فيسبوك
واتساب
معاندة معانا يا دنيا ليه، وفين حقنا فى الحياة
مكتوب لنا نعيش ولا إيه، تعبنا فيكى وقولنا آه
بندفع فاتورة جيل قديم، هد فى بلدنا من سنين
احنا الشباب المظلومين، شورى علينا نعمل إيه
قالوا علينا كلام كتير، قالوا جيل مالهوش كبير
الظلم جارف من سنين، ومش عارفين رايحين لفين
حاولنا كتير ومش عارفين، نرضيكى قولى لنا انتِ نعمل إيه
احنا الشباب المجروحين، عايش ومتكتفة إيديه
الشمس غايبة من سنين، ونورها مخاصم الحياة
تحت سماكى تعبانين، والحلم وهم بنجرى وراه
هنصبر تانى لحد فين، ده الصبر نفسه بيصرخ آه
الدنيا صعبة حبيتين، نمشيلها خطوة، ترجع بينا خطوتين
