اللى إحنا فيه
ده غلاء بغباء
حاجات مش أساسية
وحاجات تانية
ما لينا عنها استغناء
الجشع بقى وباء
داء وماله دواء
حالة ارتخاء
من الرقابة الجوفاء
ضريرة عمياء
على السوق السوداء
للدواء والغذاء
شىء يدعو للرثاء
تشوف ناس تصرف بسخاء
على الموضة والأزياء
وناس من السفهاء
بذخ وإسراف بغباء
وناس تانية عيشتها جرداء
نومها أصبح عشاء
أموات لكن أحياء
على وشوشهم الاعياء
جيوبهم خاوية قحطاء
لا أنا من الأوصياء
ولا من الأنبياء
ومن غير كلام إنشاء
وقصائد الشعراء
ليه همسة رجاء
وما لى غير الدعاء
نداء للأحباء
فى الوطن شركاء
وفى الله محبة وإخاء
ارحموا الفقراء
امسحوا دموع البكاء
من على وشوش الأبرياء
ساعدوهم بالأشياء
اللى ما ليها استغناء
ومن غير استعلاء
أحسن عندهم كبرياء
وكرامة وحياء
رسالة للأغنياء الأعزاء
ساعدوهم بالاحتواء
وللحياة بالارتواء
بلاش هجر وانزواء
فى الآخرة كلنا سواء
أمام رب الأرض والسماء
عدد الردود 0
بواسطة:
محمد أبوهرجة
الغلاء بغباء
ابدعت استاذ وائل بكلمات قوية ورصينة فى وصف معاناة مواطن بكل خفة ورقة ودائما تعبر عما يجول بخاطرنا استاذ وائل
عدد الردود 0
بواسطة:
نشات رشدي منصور/ استراليا
الغلاء من. الألف. للياء. للاستاذ وائل عبد الودود
الغلاء يعمل. في. الخفاء. وكانه. يرتدي. طاقية. الإخفاء. ولكنه. مكشوف. عند. رجال. التموين. والمباحث الأوفياء. نقدر. نقول. لكل من هو وراء الغلاء. لك. يوم. يا ظالم. الموضوع. مع. فكرته. ومفرداته. اكثر من رائع. ولك تحياتي .