فيسبوك
واتساب
أجندة ذكرياتى فكرتنى بكل حاجة
بقلب مكنش عادى حبه كان زيادة
كان نفسى معاه اكمل.. حالت مابيننا الظروف
فضلت فينا تعاند.. زرعت جوانا خوف
استسلمت الأمانى .. سلمنا للأيام
محدش كان فينا جانى .. ده كان حكم الزمان
شريط داير فى عقلى .. قولت فى يوم هنساه
أتاريه حافر فى قلبى سنين عمرى معاه
أجندة ذكرياتى لا صفحة ولا سطور
دى شيء مزروع فى ذاتى .. حروفه خطوط من نور
آه لو كان بإيدى .. كنت قتلت الخوف
وعشت معاه حياتى ..رغم أى ظروف
