فيسبوك
واتساب
المركب خلاص بينا بتغرق / والحب أصبح محظور
الكل أتغير للأسوأ / والشر واقف فى طابور
حاولت أتغير ماعرفتش / و فضلت عايش فى النور
دنيا تحير ما تبلش ريئ / اللى جناحه مكسور
إمتى الحب يفرحنا /و يملى قلوبنا بالخير
دا الشر يا ناس بيجرحنا / و بيدبح فينا بضمير
لو عنك يا دنيا كلام تانى /قوليلى حاجة علشان ارتاح
لو كنتى حاسة بآلامى / كنتى قلتى عالمفتاح
تعبت يا دنيا خلاص خالص /وعايش فيكى قلبى وحيد
الحب فيكى مبئاش خالص /نسانى أحلم حلم جديد
