فيسبوك
واتساب
مسافر والسكة بعيدة
وخايف يقابلنى الموت
مسافر والغربة مرة ودموعى يعلاها الصوت
مسافر وسايب أحبابى دى عشرة بقالها سنين
مسافر وسايب صحابى ممكن سنة واتنين
هبقى لوحدى عايش
مش جايز ده شىء أكيد
مسافر والغربة صعبة وحلمى بقى عنيد
جايز تقابلنى بسمة ولو تكون كدابة
يمكن أسرح بنفسى وأوهمها إنى فى سعادة
وخايف تغلبنى عيونى وتمنع بسمتى
وتنزل دموع عينى وأدارى ضحكتى
جايز يكون الختام بس أكيد مخلصش الكلام
الغربة حاجة صعبة ميوصفهاش ولا ألف كتاب
واللى يقولك كلها سعادة قله أنت أكيد كداب
