التجار غلوا الأسعار
وبقت مضروبة فى اتنين
والحكومة عاملة
ودن من طين
والتانية من عجين
ولا فيه حد أدنى
والأقصى جاب آخر يمين
الغنى زاد غنى
والفقير بقى مسكين
يلاقيها منين ولا منين
الناس بتدن فى مالطا
خلاص جالهم جلطة
المرتب زى ما هوه
والغلاء بقى بره وجوه
لا نافع أى تسعيرة
والواحد عايش فى حيرة
ولا تتعجب ولا تستغرب
الفار كبر وبقى أرنب
ولحم الحمير بقى يتاكل
عادى مفيش أى مشاكل
وإذا حد تعب ومات
الف رحمة عليه فى سكات
بخمسة آلاف جنيه
نعوض اهله يا بيه
يا دوب كام كيلو لحمة
والباقى نوزعه رحمة
بالله عليكم يا أهل الدار
الرحمة على الناس الصغار
عدد الردود 0
بواسطة:
محمد أبوهرجة
الرحمة يا اهل مصر
الله عليك استاذ وائل وختمت كلامك الجميل بالرحمة ودى تحتاج منك ابيات وابيات لنرحم بعضنا البعض لقد اصبح الشارع مثل الغابة لا توجد رحمة بين الاصدقاء الجيران الاهل زملاء العمل . وفى انتظار المقال الجديد
عدد الردود 0
بواسطة:
وائل عبد الودود
ا . محمد ابو هرجه
تسلم يا استاذ محمد ربنا يرحمنا جميعا ويحفظ مصر.اشكرك