نصر سليمان محمد يكتب: نفسى

نفسى أكون عمدة ..

أركب حمارى .. وعلى راسى شمسية

 حواليه كَم غفير..وشيخ خفر ببندقية

البلد بين أيديه..والدار فيها كم صبية

ورجالة طوع الإشارة ..سواعدهم قوية

وليمة بط وحمام ..وعيش سخن وتقلية

وشاى المندرة التقيل.. يدُور ساعة العصرية

-- نفسى ..

أكون طير جارح ..نسر فى الفضاء سارح

أفرد جناحاتى ..أخفى ضى الشمس والنجمة

جبال .. صحرا ..مية ...حاضنهم بين عنية

الكون كله مملكتى.. والأرض والسما حوالية

-- نفسى ..

أقعد على الترعة .. لبشة قصب فى أيديه..

أقشر وأمصمص العُقَل ..وحواليه أعمل دايرة

ساند على صخرة .. أرقب السمك فى الميه

أتابع بعيونى صبية .. على الشط تملى الجرة

-- نفسى ..

ألبس عمة وقفطان .. وجلابية ..

شال على أكتافى وعصاية جدى فى أيديه

أضرب بيها الهوا ..وعيال حواليه شقية

أتعايق فى الأفراح .. وارَقص الغازية

-- نفسى ..

أنزل غيطان الريف ..ساعة فجرية ..

أقلع وآكل خس ..زَرعته عَفية

أخضر مُوَرق ..أوراقه مِلَوية

خلاف المدينة .. زَرعتها هفية

ورقة معطوبة ..وورقة وَكلاها دودة

أرمح فى الغيطان وراء ..أسراب الطير

حمام يلقط حب ..وأبو قردان يحط ويطير

أعمل خيال مآتة .. أخوف العصافير

وتغوص رجلية وديل الجلابية فى الطين

-- نفسى ..

أركب فلوكة ..

معايا طبق فول وقرصين طعمية ..

وفحل بصل ورغيفين .. وقلة مية ..

أشق البحر ..وأنسى هموم وقسية

تاخدنى الموجة بعيد ..ونسمة طرية

من شروق الشمس .. لحد المغربية

-- نفسى ..

تصدقوا نفسى فى إيه كمان ..

أكون قرد فى الغابة مع الغزلان ..

أطلع الأشجار ..وأتعلق على الأغصان

أضرب بجوز الهند ..والرمان..

ملك الغابة ..أشجع الشجعان

يهز زئيره الأرض وفى عينيه بركان

أضحك ولا يهمنى ..ثائر أو غضبان

تخشاه وحوش البرية .. وأنا فيه شمتان

أكسر نظرة احتقار .. لقرد ضعيف غلبان

يعايرنى أنى قرد ..ويقول لى "..."حمرة..ياجبان

-- نفسى ..

نفسى أكون باشا من بتوع زمان

قصر وجنينة ..وكم ألف فدان

خدم ..حشم ..عبيد..وهيلمان

كرباج وكارتة ..وحصان

أضرب وجوه سُمر فى قلوبها غليان

حقد ..بغض ..حسد..على نعمة السلطان

أصحى فيهم الهمم ..وأزيح عنهم الأوهان

زمن الطيبة انتهى..وهجر الشجر الحمام

والعش سِكنته بعده ..بوم ..وغربان

-- نفسى أكون جد شوية .. يعنى مثلاً راجل دولة ..

نفسى ..

نفسى أكون أحمس .. فى الميدان

سيف وسهام ونبال .. أحرر الأوطان

أدوس أرض الغدر بحدوة حصان

أدق فى قلب الظالم حربة الشجعان

وأحرق بنار المظلوم .. اللى عليه جار

-        نفسى ..

نفسى أكون مينا .. موحد القطرين

أوحد من القارات .. اتنين

أفريقيا وأسيا ..عرب ومسلمين

أزيح راية استسلام ..وخذلان

وانقسام ساد شعوب ..وبلدان

أرفع راية حب تِجَمع الأديان

والآمال والأحلام ..وماض الزمان

-- نفسى ...

نفسى بقا أخلص من الدنيا..

العقل أديه إجازة ..والنفس تركن شوية

والجسم يرتاح من الضربات القوية

أهرب من الأيام ..ألاقى اللى فارق واللى راح

أرمى حِمل أكتافى ....وفى أحضانهم ارتاح

اشكى لهم وجيعتى.. وآلام قلب وجراح

أعيش حياة تانية .. مافيهاش نفسى يادنيا

أيه اللى فيها يخلينا .. نتمسك ونبكى عليه

أحزان ..آلام ..أوجاع .. شوق ..هجر ..يا ولداه

رَيَحونا بقا من دى الحكاية .. ليه الموت نخشاه

الموت راحة.. و نومة عادية .. بس طويلة شوية

-- نفسى ....

نفسى الأيام من تانى تعود ..

وأعمل كل اللى فيه ..نفسى

ولو يرجع العمر من جديد ..يا خلق..

إيه راح يجرى ..

ها قعد فى نفس المكان ..وأقول ..ياما كان.. نفسى

نصر سليمان محمد ، نفسى ، نسر ، عمدة  

ع المقصود

******

صورة نسر طائر فى الفضاء

 نصر سليمان محمد يكتب: نفسى

نفسى أكون عمدة ..

أركب حمارى .. وعلى راسى شمسية

 حواليه كَم غفير..وشيخ خفر ببندقية

البلد بين أيديه..والدار فيها كم صبية

ورجالة طوع الإشارة ..سواعدهم قوية

وليمة بط وحمام ..وعيش سخن وتقلية

وشاى المندرة التقيل.. يدُور ساعة العصرية

-- نفسى ..

أكون طير جارح ..نسر فى الفضاء سارح

أفرد جناحاتى ..أخفى ضى الشمس والنجمة

جبال .. صحرا ..مية ...حاضنهم بين عنية

الكون كله مملكتى.. والأرض والسما حوالية

-- نفسى ..

أقعد على الترعة .. لبشة قصب فى أيديه..

أقشر وأمصمص العُقَل ..وحواليه أعمل دايرة

ساند على صخرة .. أرقب السمك فى الميه

أتابع بعيونى صبية .. على الشط تملى الجرة

-- نفسى ..

ألبس عمة وقفطان .. وجلابية ..

شال على أكتافى وعصاية جدى فى أيديه

أضرب بيها الهوا ..وعيال حواليه شقية

أتعايق فى الأفراح .. وارَقص الغازية

-- نفسى ..

أنزل غيطان الريف ..ساعة فجرية ..

أقلع وآكل خس ..زَرعته عَفية

أخضر مُوَرق ..أوراقه مِلَوية

خلاف المدينة .. زَرعتها هفية

ورقة معطوبة ..وورقة وَكلاها دودة

أرمح فى الغيطان وراء ..أسراب الطير

حمام يلقط حب ..وأبو قردان يحط ويطير

أعمل خيال مآتة .. أخوف العصافير

وتغوص رجلية وديل الجلابية فى الطين

-- نفسى ..

أركب فلوكة ..

معايا طبق فول وقرصين طعمية ..

وفحل بصل ورغيفين .. وقلة مية ..

أشق البحر ..وأنسى هموم وقسية

تاخدنى الموجة بعيد ..ونسمة طرية

من شروق الشمس .. لحد المغربية

-- نفسى ..

تصدقوا نفسى فى إيه كمان ..

أكون قرد فى الغابة مع الغزلان ..

أطلع الأشجار ..وأتعلق على الأغصان

أضرب بجوز الهند ..والرمان..

ملك الغابة ..أشجع الشجعان

يهز زئيره الأرض وفى عينيه بركان

أضحك ولا يهمنى ..ثائر أو غضبان

تخشاه وحوش البرية .. وأنا فيه شمتان

أكسر نظرة احتقار .. لقرد ضعيف غلبان

يعايرنى أنى قرد ..ويقول لى "..."حمرة..ياجبان

-- نفسى ..

نفسى أكون باشا من بتوع زمان

قصر وجنينة ..وكم ألف فدان

خدم ..حشم ..عبيد..وهيلمان

كرباج وكارتة ..وحصان

أضرب وجوه سُمر فى قلوبها غليان

حقد ..بغض ..حسد..على نعمة السلطان

أصحى فيهم الهمم ..وأزيح عنهم الأوهان

زمن الطيبة انتهى..وهجر الشجر الحمام

والعش سِكنته بعده ..بوم ..وغربان

-- نفسى أكون جد شوية .. يعنى مثلاً راجل دولة ..

نفسى ..

نفسى أكون أحمس .. فى الميدان

سيف وسهام ونبال .. أحرر الأوطان

أدوس أرض الغدر بحدوة حصان

أدق فى قلب الظالم حربة الشجعان

وأحرق بنار المظلوم .. اللى عليه جار

-        نفسى ..

نفسى أكون مينا .. موحد القطرين

أوحد من القارات .. اتنين

أفريقيا وأسيا ..عرب ومسلمين

أزيح راية استسلام ..وخذلان

وانقسام ساد شعوب ..وبلدان

أرفع راية حب تِجَمع الأديان

والآمال والأحلام ..وماض الزمان

-- نفسى ...

نفسى بقا أخلص من الدنيا..

العقل أديه إجازة ..والنفس تركن شوية

والجسم يرتاح من الضربات القوية

أهرب من الأيام ..ألاقى اللى فارق واللى راح

أرمى حِمل أكتافى ....وفى أحضانهم ارتاح

اشكى لهم وجيعتى.. وآلام قلب وجراح

أعيش حياة تانية .. مافيهاش نفسى يادنيا

أيه اللى فيها يخلينا .. نتمسك ونبكى عليه

أحزان ..آلام ..أوجاع .. شوق ..هجر ..يا ولداه

رَيَحونا بقا من دى الحكاية .. ليه الموت نخشاه

الموت راحة.. و نومة عادية .. بس طويلة شوية

-- نفسى ....

نفسى الأيام من تانى تعود ..

وأعمل كل اللى فيه ..نفسى

ولو يرجع العمر من جديد ..يا خلق..

إيه راح يجرى ..

ها قعد فى نفس المكان ..وأقول ..ياما كان.. نفسى