أثار حادث غرق مركب الهجرة غير الشرعية بمنطقة رشيد، والذى راح ضحيته ما يقرب من 170 شخصاً، ردود فعل واسعة، خاصة بعدما كشفت التحريات الأولية أن تكلفة الرحلة كانت تتراوح ما بين 30 لـ40 ألف جنيه لكل فرد.
وفى الوقت الذى حمل فيه البعض الحكومة المسئولية الاجتماعية عن الحادث، يرى كثيرون أن من يمتلك مبلغ 30 ألف جنيه بإمكانه البدء فى مشروع ولو صغير، أو الحصول على القروض التى تقدمها الحكومة للشباب من خلال الصندوق الاجتماعى للتنمية، بدلاً من اختيار السفر بطرق غير شرعية إلى أوروبا.
ويستشهد رافضو فكرة الهجرة، بنجاح السوريين فى مصر، بعد هجرتهم إليها فى أعقاب النزاعات التى شهدتها سوريا، ومن قبلهم العراقيين فى أعقاب الغزو الأمريكى للعراق، الأمر الذى يكشف أن هناك فرص عمل وسوقا مفتوحا فقط لمن يجيد العمل بصبر واجتهاد.
"اليوم السابع" يفتح الباب أمام قرائه للمشاركة بالرأى والتعليق، والتقدم بمقترحات لمكافحة ظاهرة الهجرة غير الشرعية، وتحفيز الشباب على العمل فى بلادهم.
.jpg)
عدد الردود 0
بواسطة:
عماد
الخاص هو السبب
حضرتك لو عايز تعرف الحقيقة ان القطاع الخاص والمناطق الصناعية الجديدة بها اكبر عماله من الشباب الا ان المراتبات ضعيفه جداجدا هل تصدق ان شباب له اكثر من 21 عام قطاع خاص يتحصل على 2150 جنية اما زيادة الاسعار حاليا حكاية لوحدها وبعدين نرجع نسأل هو الشباب لية بيسيب البلاد والله حرام اللى بيتعمل فينا
عدد الردود 0
بواسطة:
ابو احمد
الى الاخ عماد هل عندكم وظيفه خاليه
الى نمره 1 هل تصدق ان العمر 59 سنه وفى شركه منذ32 سنه وفنى ودبلوم وخراط ممتاز والمرتب1360 جنيه فقط وقطاع خاص والسنين جرت ويقولك اذا كان عجبك تروح فين بالسن ده وباقى سنه للمعاش اقسم بالله العظيم ان دى الحقيقه والابناء بالجامعه
عدد الردود 0
بواسطة:
مصرى غضبان
لا للهجرة ..غير الشرعية ......بلدك أولى بيك !!!!
فعلا .........لماذا الهجرة .......انت ( ميت ميت ) ......موت هنا وخلاص ...وبلدك ستتكفل بدفنك
عدد الردود 0
بواسطة:
محمود فتحي
بلاش هجره
اديني حل اخر لكي اعيش في بلدي المسلوب من مئات السنين
عدد الردود 0
بواسطة:
حمدى عبد الجواد
الرؤية الكاملة والشاملة والعمل بروح الفريق من جانب الحكومة
فى البداية نتوجه بخالص العزاء لاسر الضحايا من المصريين وكافة الجنسيات المختلفة ، وندعو الله سبحانه وتعالى ان يرحمهم ويفغر لهم ذنوبهم ويسكنهم فسيح جناته ، إنا لله وإنا اليه راجعون . انها كارثة بكل ماتحمله الكلمة من معنى . باختصار شديد فالموضوع ليس متعلق بالهجرة غير المشروعة فقط ولكن يتعلق ايضا بالبحث عن امل ، والبحث عن عمل وتحقيق الذات . تلك مسئولية اولى للحكومة ووزارة الهجرة والتعاون الدولى والقوى العاملة والاعلام والتعليم والثقافة . موضوع معقد جدا يتعلق بثقافة امة فى خطر ، الظروف الاقتصادية للبلاد ، مناخ الاستثمار وتوفير المناخ الامن له ، تشجيع الصناعات الصغيرة والمتوسطة ، القروض الميسرة للشباب ، تمكين الشباب من المشروعات الصغيرة وتشجيعهم واعطاء اعفاء ضريبى لهم 10 سنوات مثلا ، تشجيع العمل التعاونى بين الخريجين والاتحاد التعاونى ، وجود وزارة تحتضن الشباب وترعاهم ، حكومة تعمل بروح الفريق على تسكين الشباب على اول الطريق وتوفير التدريب لهم اذا لزم الامر . توفير دراسات الجدوى لمشاريعهم الصغيرة والمتوسطة، ضبط وتنظيم من يرغب منهم العمل بالخارج ان تكون الدولة المصرية وحدها وبضمان الحكومة برعاية وتنسيق تام لخروج الشباب للعمل بعقود عمل موثقة وضمن اتفاقيات بيننا وبين الدول الصديقة والشقيقة . باختصار شديد تلك مسؤوليتنا جميعا ، حكومة ومعارضة ، وزارة الصناعة والهجرة والتعاون الدولى والتدريب والصندوق الاجتماعى للتنمية والشباب ، والاعلام والتعليم . مسئولية دولة وامة فى خطر ، مسؤولية مجتمع يحتاج لوجود الرؤية الكاملة والشاملة والعمل بروح الفريق من جانب الحكومة لتحقيق الرؤية والطوح للشباب وتحقيق الامل والعمل وتحقيق الذات وتلك مسؤولية اولى للوطن .
عدد الردود 0
بواسطة:
نعم للهجرة الشرعية ... لا للهجرة غير الشرعية
لم ينتهي زَمنُ الحُب ، بل رَحلَ زمنُ الأوفياء
لم ينتهي زَمنُ الحُب ، بل رَحلَ زمنُ الأوفياء
عدد الردود 0
بواسطة:
ريمون ظريف
كل دول كُسالى؟!
بسبب كارثة رشيد رجعنا نسمع تاني نغمة إن المصريين شعب كسول، والشغل كتير وهما اللي مش عايزين يشتغلوا! الحقيقة إن نفس اللي بيقولوا الكلام ده بيناقضوا نفسهم. - أصلاً بيقولوا دول سايبين مصر عشان يروحوا يغسلوا أطباق ويشتغلوا عمال نضافة وصنايعية في أوروبا .. جميل يعني بكلامكم نفسه هما (بيشتغلوا) هناك، وبيشتغلوا شغل شاق ولساعات عمل طويلة فعلاً، يبقى هما باعترافكم مش كسالى أصلاً، فكروا بقى ليه بيعملوا كده؟ - أو مثلاً يقولوا ده المدرس الكسول مش بيشرح في المدرسة عشان بيشتغل دروس خصوصية .. لكن حضرتك كلامك ده نفسه معناه إنه (بيشتغل) طول اليوم، نتناقش بقى حول الأسباب دي قصة تاني. - نفس الوضع على الكل، من أول الدكتور اللي بيطلع من المستشفى الحكومي يلف على المستوصفات والمستشفيات الخاصة لحد نص الليل، لحد العامل اللي بيطلع من وردية المصنع يكمل شغل على التوك توك. ***** روحو محطة قطار الجيزة شوفوا قطار الدرجة التالتة اللي بيسموه "المميز" اللي جاي من الأقاليم، أو روحوا موقف شبرا الخيمة أو عبود في أي يوم الصبح. روحوا هناك اسمعوا قصص الناس .. اسمعوا ملايين الطلاب والعمال اللي بيصحوا من 4 و 5 الفجر كل يوم، جايين من قرى مجهولة في بني سويف والبحيرة والقليوبية والدقهلية، جايين من قليوب وشبين القناطر وكفر الدوار ودمنهور وإيتاي البارود وكفر الزيات وبركة السبع ...الخ الخ. كل دول بيصحوا من قبل الفجر عشان يوصلوا جامعاتهم، أو يشتغلوا في مصانع 6 أكتوبر والعاشر، مواصلاتهم وشغلهم بتستغرق 12 ساعة على الأقل، وبأجور ممكن يصرفها اللي بيتنكوا عليهم في يوم! ده غير ملايين الصعايدة اللي عايشين في شقق جماعية في عشوائيات الجيزة، وبينزلوا لعائلاتهم في سوهاج وقنا وأسيوط مرة كل كام شهر، شغالين في الفاعل و المحارة والنقاشة وعتالين وشيالين، وبعضهم خريجين جامعات، دول اللي بيتكدسوا في القطارات اللي بتتحرق، وبتشوفوهم "مسطحين" فوق الأسقف. كل دول كُسالى؟!
عدد الردود 0
بواسطة:
عباس الضو
انتي فين يابلد
هي فين بلدي عملت لي ايه علشان اجلس فيها والعيشة بقت مرة
عدد الردود 0
بواسطة:
مصري
الحل هو
لحل الوحيد و الاوحد في مصر هي شركلت مصرية قوية سواء كانت عامة او خاصة تحت رقابة وتنظيم و توجية الحكومة المصرية تجابة و تنافس الشركات الاجنبية من اجل الاحتفاظ بالدولارو تشغيل الشباب .و يحكمها الجودة و المعايير العلمية و النظم الاقتصادية العادلة
عدد الردود 0
بواسطة:
محمود كرم
مصر هى مصر
انفد بجلدك كدة كدة ميت بس اختار مركب سليمة