.jpg "زياد مرزوق يكتب: شعب يموت فى الفشخرة الكدابة")
إحنا كلنا عايشين غلط باختلاف طبقاتنا وإمكاناتنا المادية من أول العامل اللى بيشتغل باليومية وشايل موبايل ثمنه 4 آلاف جنيه، لأولياء الامور اللى بيشتكوا من انهم مش عارفين يجوزوا ولادهم ويجهزوا بناتهم مع انهم بثمن الطقم الصينى اللى بيتحط فى النيش فشخرة ومنظرة وبثمن تكلفة الفرح اللى بيتعمل فى القاعة الفلانية عشان يبانوا انهم قد المقام.. بثمن دول بس يجوزوا عيالهم بكل اريحية ومش هيكونو مديونين.
إحنا مش فقرا.. إحنا أغبياء.. إحنا شعب خايب.. شعب مستهلك وغير منتج بالمرة.. شعب عاوزله قلمين على قفاه عشان يفوق.. عاوزين نقف كلنا ف طابور وكل واحد يضرب اللى قدامه قفا جامد.. بس أنا هقف أول واحد.
عدد الردود 0
بواسطة:
waleed
كلام سليم 100%
احنا فعلا كده وكمان فى موضوع الجواز وتحضيراته ومتطلباته تحديدا بنهتم بالمظاهر والشكليات والفلوس والخ الخ وده عشان الفشخرة والعادات والتقاليد والناس هتاكل وشنا وبلا بلا بلا , وتركنا صحيح الدين الاسلامى فى الجزئية دى وباقى امور حياتنا . لو تمسكنا بديننا اكتر وسمعنا ونفذنا كل واحد هيقدر يعيش حياة كريمة الدين مش مجرد خانة ف البطاقة ده اسلوب حياة .
عدد الردود 0
بواسطة:
محمودالتهامى
صدقت
نعم كلامك صح وانت صدقت والله واحنا شعب كداب ومنافق سعادة الباشا وسعادة البية وعاملين زى السمك الكبير عاوز ياكل الصغير واى حد يمسك فرصى على التانى عاوز ياكلة وكلة حرامية من الكبير الى الصغير دايما طماع عشت 33 سنىة فى الخارج ماشفتش كده وسبحان الله لولا اطفال رضع وشيوخ هكع كان ربنا اهلكنا بما فعل السفهاء منا واولهم الكدابين والمنافقين وعندما رزقنا ربنا برئيس كويس لقينا اصحاب المصالح عاوزين يسقطوه اللهم ارحمنا يارب