طالب الدكتور على مصيلحى، رئيس اللجنة الاقتصادية بمجلس النواب، الحكومة متمثلة فى البنك المركزى، توفير ما وصفه "الفلوس الفكة" أو "كسر الجنيه" وهى فئات الـ5 قروش والـ10 قروش حتى 25 قرشًا.
وقال "مصيلحى" فى تصريحات لـ"اليوم السابع": "توفر الفكة من فئة 5 قروش حتى 50 قرشا سيمكن من تسهيل العملات وضبط الكسور فى الأسعار، بدلا من أن يقوم التجار بإعطاء المشترى "بونبونى" بدلا من الفلوس المتبقية فى طريقة التعامل".
وأنتقد "مصيلحى" فى الوقت ذاته مطالبات جهاز حماية المستهلك بعودة القرش صاغ، قائلا: "الحديث عن عودة القرش صاغ كأننا نتكلم فى عصر تانى غير الذى نحن نعيش فيه، فأنا أرى أن القرش صاغ لم يعد له قيمة ونتكلم فى شىء أنتهى منذ 30 سنة فاتت، لكن توافر "الفكة" والتى هى من 5 قروش حتى 50 قرشا، سيكون فيه إفادة للمواطنين".
وتابع رئيس اللجنة البرلمانية: "توفر الفكة أو كسر الجنيه وإتاحتها، سيساعد على البائع والمشترى على سهولة التعامل عندما يكون هناك كسور فى السعر".
وأشار إلى أن الدول فى الخارج توفر العملات الفكة، فتجد فى الدول الخارجية السنت، ولذلك يجب توفر الفكة فى مصر.
عدد الردود 0
بواسطة:
عصام سعيد
بالذمه داه اسمه كلام
خلاص بقي هو داه الحل ربنا يطلعنا منها علي خير والله
عدد الردود 0
بواسطة:
رافت خلف
اقل عملة الان 50 قرش و العام القادم جنية
و بعد سنتين سيكون اقل تعامل هو الجنية و بعدها بعام 5 جنية اقل تعامل و تكون معدنية الى ان ياتي عملة المائة جنية اقل شئ خمس قروش ايه يا عم مصلحي دة الربع جنية يشتري رغيف عيش او لمونة او لبانة و الخمس قروش دة من زمن جدي او السبيعنات
عدد الردود 0
بواسطة:
مشمش
الله يخرب بيت الزهايمر.......وكم سيتكلف صك ال 5قروش والعشر قروش كعمله معدنيه
دلوقتى بس اتطمنت على الاقتصاد فى مصر....واداره التشريعات الاقتصاديه فى مصر....عموما قالها قبلك اللواء يعقوب رئيس جهاز حمايه المستهلك منذ اسبوعين
عدد الردود 0
بواسطة:
ابو كريم
كلام زي الفل ب نفهم معناه
كلام النائب علي مصيلحي كلام كويس لان كل دول الخليج المتقدمة عنا بمراحل تستخدم العملات الفكة واحنا لو رجع هذا الكلام لا تجد من يستغلك وومكن لا يعطيك بونبوني ولكن يعتبره حق مكتسب دائما وياخذه وانت عارف انك بتتسرق انت وغيرك ومحدش يحسبها علي نفسه شوف كام تاجر انت بتتعامل معهام خلال اليوم سواء خضار فاكهة سوبر ماركت مواصلات عاديه دفع فواتير مياه كهرباء ضرائب تأمينات مرتبات الراجل الصراف بقي شيء لا يطاق ومتحسبهاش لوحدك شوف انت واولادك لوحدك بتسيبوا كام لكل واحد واحسبها صح لكن لو رجع موضوع الفكه ستجد ان كل واحد واخد حقه مظبوط وبتوفر علي الاقل شيء بسيط في اليوم لو حسبته خلال الشهر اولادك اولي به والقليل علي القليل كثير وافهم ياللي مش عايز تفهم ويا ريت كلنا نفكر بهذا الاسلوب وهذه الطريقة .
عدد الردود 0
بواسطة:
عصام اًبوزيد
الجنيه الاول
طيب اطلب انهم يوفرو الجنيه والنصف جنيه والربع جنيه الاول
عدد الردود 0
بواسطة:
ابن مصر
ياراااااااااااجل ايه اللى بتقوله ده
خمس قروش ايه اللى بتكلم عنها عارف دى ترجع امتى لما الجنيه المصرى ينافس الدولار او حتى يكسره شوية ساعتها الخمسة والعشرة قروش هتشتغل انما دلوقتى صعب اصبر شوية يمكن الدولار يهبط وادينا بنحلم يعم على
عدد الردود 0
بواسطة:
مواطن ليبى
أقول لكم حاجة ،، زمان كان سندوتش الفول بقرش صاغ ،، والان بجنيه ،، إذا يجب تسمية الجنيه قرش
والنصف جنيه نص قرش ،، والخمسة جنيه خمسة قروش ،، والعشرة جنيه عشرة قروش ،، وكلها عملة معدنية ،، وورقة المئة جنيه هى التى يكون اسمها جنيه ،، وهكذا تنتهى المشكلة وتكون للعملة المعدنية قيمة مثل زمان ،، وترجع المرتبات مثل زمان وتبدأ من عشرة جنيه فى الشهر اللى هى الان الف جنيه ،، إيه رأيكم يا جماعة ؟؟ آه نسيت حاجة ،، الدولار حيكون ثمنه فى السوق السوداء 12 قرش مصرى ،،، ؟؟؟؟
عدد الردود 0
بواسطة:
سامو
أقل وحدة تعامل مستخدمة حاليا // هى الربع جنيه ـ وقريبا النصف جنيه
أقل وحدة تعامل مستخدمة حاليا // هى الربع جنيه ـ وقريبا النصف جنيه .. وربما يكون الجنيه هو أقل وحدة تعامل بعد سنتين إلى ثلاث سنوات .. أما الخمسة قروش والعشرة قروش فلم تعد تشترى شيئا ولا حتى الطوفى أو اللبان أو الكبريت مثلا ..
عدد الردود 0
بواسطة:
اشرف
هوة دة السبيل لكسر الاسعار بدءا من القرش
اذا كنا نريد ان نكون دولة قوية لابد من عودة القرش مرة اخرى ووقتها سيكون فى اسعار ستبدء بالعدد الفردى وعندما تقوم الحكومة بشراء المنتجات من الفلاح من الغيط وتكمل كردونات وتبيع باسعار يدخل فيها التعامل بالقروش والشلن وقتها سيتعامل التجار مع الوضع الجديد وعندما ننتج القمح من ارضنا وقتها ممكن نرجع نبيع الخبز بقرش صاغ مثل الاول والله العظيم لاسبيل امام مصر لعودة الجنية لقوتة الا ببحث وضع مصر الاقتصادى بعمل مقازنة بين عدد سكان مصر ووضع الصناعة وعدد الافدنة الزراعية فى مصر ومستوى الانتاجى من القمح مع عدد سكان مصر ومستوى الانتاج من الذرة واستهلاكنا من الزيوت وكذلك الفول المدمس وقصب السكر ووقتها سيكون وضع مصر وتوفير الدولارات التى نستورد بها القمح والسكر والزيت وربنا يوفق بلدنا مصر ونشكر اليوم السابع على اتاحة الفرصة للتعبير
عدد الردود 0
بواسطة:
مشيرف
المليم والنكله
اذا كان سيادة النائب يطالب بعودة القرش فمن حقى كمواطن اطلب بعودة المليم والنكله البلد فيها حريه والكل يهرتل بمذاجه وده كله نتاج ثورتين