فيسبوك
واتساب
فى حاجات لازم نشربها باردة
عشان الجو حر
وفى حاجات مينفعش نقولها
لا غيرنا يتضر
وفى حاجات نسبقها
وحاجات تانية تسبقنا
ومعاد نروحه بدرى
ومعاد نتأخر
وحلم نصحى فاكرينه
وأحلام مجرد ما نفوق تتبخر
وتنهيدة تطلع مكتومة
وحسرة ع لحظة مظلمومة
لـ بيبان تتقفل
وغيرها مفتوحة
وتفاصيل مالية الطبيعة
مختصرة فـ لوحة
لحسبة نجمعها
نلاقيها مطروحة
لـ أقف قدام الوجع متهربش
وأضحك وهزر عشان بسرعة متكبرش
وتعلمنا حاجات كتير
ومتعلمناش أكتر
عيوب تبان واضحة
وعيوب تتستر
وحاجات تحلى من كتر المُر
وحاجات لـ خيرها
تيجى فى الشر
فـ حاجات فـ أساميها نتوه
مع أنى معانيها أجمل
حاجات تتاخد كده
عشان حاجات تانية تكمل
