قمح الإرجوت المسرطن
دخل البلد واستوطن
فى صوامع والقمح مشَوَّن
مش مشكلة الشعب يتسرطن
فاكرينه من المرض متحصن
لو حسيت بتعب وتوهن
عادى شوية وتتحسن
ولو التعب زاد خد مسكن
وإذا المرض منك اتمكن
احمد ربك يا مؤمن
لو لقيت مستشفى تسكن
المهم الجيوب تتبطن
تملى وتكبر لحد ما تتخن
ولو حد فهم واتفطن
اتكلم وقال مش ممكن
القمح بايظ ومعفن
على بيته يروح ويسكن
المسئول عمال يتلون
لمصلحة مين طب خمن
ويطلع واحد أَرْعَنُ
كله تمام بصوت متيقن
القمح فاسد طب برهن
ده سليم وصحى اطمن
ناقص يا عم طب أوزن
شىء مؤسف وحاجة تحزن
خلوا العاقل يتجنن
والإنسان السليم يتكهن
والبسيط ربنا يحنن
هو الضمير خلاص اتكفن
من أى معجون متكون
امتى يرجع سليم متحصن
من أى شر ولا يفتن
وربنا علينا يهون
كلمة أخيرة أستأذن
طهروا الفساد المتمكن
أحسن بقى ظاهر ومُعطِّن
عدد الردود 0
بواسطة:
محمد أبوهرجة
اوجاع شعرية
احسنت استاذ وائل بوصفك لهذه الاوجاع الشعرية لاحاسيس مواطن مطحون فى قالب شعرى خفيف وبسيط وسر روعته هى بساطته . تحياتى استاذ وائل عبدالودود
عدد الردود 0
بواسطة:
محمد أبوهرجة
رائع وبسيط
اجمل شيئ هو البساطة والروعه فى وصوله للجميع وفكرة ممتازة المواطن بيتعرض فعلا لامراض بسبب الجشع والفساد والدولة ستقضى عليه بإذن الله وتطبيق القانون يحمينا جميعا . تحياتى استاذ وائل
عدد الردود 0
بواسطة:
وائل عبد الودود
تسلم يا استاذ محمد
اشكرك من صميم قلبي غبت كثيرا واتمنى ان ارى كتاباتك في القريب العاجل تمنياتي بالتوفيق بالنجاح ودوام الصحة والستر