فيسبوك
واتساب
يا بلدى بس مين قدك
يا شاغله بالى وعينيه
ومهما أقول كتير عنك
يا حضن كله حنيه
أنا معاكى أنا ف صفك
وعلمك شايله ف إيديا
م أنا المولود على أرضك
وخيرك كله حواليه
جمال نيلك معاه سدك
بطير بيغنى أغنيه
وأهرامك ولون وردك
وريحة الفل حواليه
وجندى عايش على حبك
وقلبه كله وطنيه
حاطط روحه على كفك
علشان تعيشى محميه
وشوفت شباب بتهتف لك
وكان هتاف ب حريه
تعيشى يا مصر يعيش اسمك
يا أم البلاد العربيه
