هتخليكى أميرة فى فرحك.. "عربية سيندريلا" فكرة مصرية لزفة الأحلام

"سندريلا فى حفل زفافك" هكذا يكون شعور كل عروس اتجهت لهذه الفكرة الجديدة التى أطلقتها شركة لتأجير السيارات فى القاهرة مؤخراً، وتتيح الشركة عربة يجرها حصان فى مصر لكل عروس، وهى تجربة لن تنساها أى عروس فى ليلة العمر، وستشعر أنها أميرة، فالعربة البيضاء بالكامل تُذكرنا بفيلم الرسوم المتحركة الخيالى "سندريلا" الذى تم تصويره فى خمسينيات القرن الماضى.

عربة السيندريلا كما أطلق عليها أصحاب الفكرة، مصنوعة فى مصر، ومتاحة للإيجار لأى عروس تحلم بليلة عمر لا تنسى، ويوضح مؤسس الشركة عماد بطرس أنه أراد من تصميم تلك العربة إضفاء جو أكثر كلاسيكية على خدمات إيجار السيارات لحفلات الزفاف.

وقال "هى فكرة إحنا بنعتز بها. يعني إحنا ممكن نقول عملناها نسخة من واحدة ثانية معمولة في أمريكا. الحمد لله إحنا صممناها في مصر يعني عملناها نفذناها من صورة، من شوية صور لفينا حواليها وتفرجنا وعملنا تصميم ونفذناه. بس في النهاية بنفتخر إن إحنا لم نفذنا حاجة كانت أول حاجة بتتعمل في الشرق الأوسط كله."

يلتقط قائد تلك العربة العروس من المكان الذى تحدده ويقلها إلى مكان الزفاف فى أجواء ملكية مميزة جداً، وأضاف بطرس "كون إن عروسة تركب عربية سندريلا في يوم فرحها ده حلم كل عروسة، بدأنا بالفكرة وبعدين حطينا التصميم، لقينا إن فيه على الانترنت حول العالم كله فيه حوالي سبعة عربة سندريلا بيستخدموا في الزفاف. حاجة بالمقاس الكبير اللي ممكن العروسة تركب جواه وتمشي لغاية المكان بتاع الزفاف."
قيمة إيجار "عربية السيندريلا" لليلة كاملة 2000 جنيه، ويؤكد "بطرس" أن الإقبال عليها رائع، وأن تكلفتها ليست مرتفعة بالنسبة لأسعار سيارات الزفة، كما تستخدم العربة التى تصنيعها منذ ثلاث سنوات فى أفلام سينمائية مصرية.