على الجانب الآخر من المطالب الحكومية بترشيد الإنفاق، يقف المسوئلين في حي المعادي الذين تحولوا إيى مسار حديث مواقع التواصل الاجتماعي بعد الحملة التى شنوها لتجديد بلاط الرصيف الذي تداول عدد كبير من مستخدمى فيس بوك صوره وهو يبدو جديدا تماما ولا يحتاج لهذا التغيير على الإطلاق.
وأكد رواد فيس بوك، ان الحي يستعد لرصف وتجميل رصيف شارع النادي الجديد فى المعادى، أمام القمر الصناعى، وهذا بالطبع أمر حسن لكن إذا كان الطريق يحتاج لتجديد، حيث قام الحى بإزالة البلاط القديم من على الرصيف والذى لم يختلف كثيراً عن الجديد حيث أنه مازال فى أحسن حالاته.
هذا ما جعل الصور التى التقطها أحد المارة فى شارع النادى تنتشر على موقع فيس بوك كالنار فى الهشيم، محملة بتعليقات السخط والتنكيل من المستخدمين، الذين عبروا عن عدم إدراك الجهات بالأزمة التى تمر بها البلاد وتنفق الأموال من طرق لا تحتاج تجديد بينما تغض النظر عن مصائب أخرى بالشوارع والطرق يروح ضحيتها العشرات يومياً.
عدد الردود 0
بواسطة:
محمد
فين الرقابة الإدارية ...
الموضوع واضح انه شغل سرقة مال عام .. تحت بند رصف الطريق دا حتلاقي خمسين بند وهمي حيتفتح.. و 2 أو 3 مليون جنيه حييصرفوا..
عدد الردود 0
بواسطة:
حاتم
نفس اللى بيحصل فى باب الشعرية
انت عارف بقى تكسير و بعدين تمهيد و بعدين رفع و بعدين تصليح و بعدين تركيب و بعدين نسيان سلك الكهرباء و بعدين تكسير تانى و تركيب تانى و خللى الحرامية يشتغلوا... اكبر فساد فى البلد فساد المحليات
عدد الردود 0
بواسطة:
حمدى عباس ابراهيم
يعمل ايه . يقلب عيشه ازاى وهو شايف وزير الزاعة والتموين ومهندسة دخلها اليومى مائة ألف ..
روح شركة المياه . الكهرباء . النقل . المواصلات .. كله شغال كدة . اختى صحتنى مرة الصبح باكر لأنظر رجال الحى بيسفلتوا شارع خالد بن الوليد الموازى للكرنيش وكان الشارع بحالة جيدة وكانت تعجب لان هناك مثلا شارع جمال عبد الناسر هالك وكان أولى فقلت لها أن هلاكه يكبدهم مصاريف أكتر فسرقتهم تكون أقل .. أما من يسأل عن دور الرقابة الادارية فهى وغيرها بيقوضهم نفس هذه المخالفات وبرضوا بسسب السرقة والاحتيال على مختلف الميزانيات ورقابتهم كلها بتجرى على الورق والذى يجرى تستيفه حسب قدرة طاقة الزبون ومعظم الحالات التى يحققونها تأتى ببلاغات من مسؤلين فيصعب اتفلت منها فيما يجرى تضخيمها اعلاميا لاظهارهم ناس شغالة ..
عدد الردود 0
بواسطة:
سعد الدين
من ميدان النهضة للمعادى ياقلبى لا احزن
طلع علينا محافظ الجيزه بعد فض اعتصام ميدان النهضة وقال الميدان اتكلف 25 مليون جنية والنصيبه الكبره الميدان لم يتم تجديد فيه أى شئ غير دهان الرصيف بالله عليكم ده بلد محترمه والدليل رصيف جامعه القاهره بلدنا بتتسرق عينى عينك وللأسف مافيش حاجه ملموسه على الأرض
عدد الردود 0
بواسطة:
المصرى الحزين
بيحصل فى كل الاحياء
الظاهر والله اعلم ان صاحب مصنع الانترلوك احد المسؤلين ولذلك فرض على جميع الاحياء
عدد الردود 0
بواسطة:
اشرف عبد الهادى
وأيه رايك في وزارة الأوقاف
طيب دول طول عمرهم حرمية وحتى النضيف منهم اقصد رؤساء الأحياء يايلبس تهمة يا خلوه يستقيل السيد رئيس الحى سعات يبقى قاعد ومش عارف ايه الى بيحصل من حوليه ودى عن تجربه فالسادة الزملاء بالحى بيظبطوا ويعملوا اللى هما عايزينه وهو يوقع ولأنه قاعد في مكتبه مأنتخ لايدرى بما يجرى طيب دول طول عمرهم معروفين أنهم حرمية الا من رحم ربى فما بالك بوزير الأوقاف اللى بيجدد مبنى الوزارة واغتصب الرصيف العام ودخلة بداخل مبنى الوزارة وعمل سور جديد بالأحجار والحديد حول المبنى بالكامل بعد مترين من السور القديم مغتصبا الرصيف الخاص بالمارة من وافق له على ذلك وفى أي عرف أو دين ياسيادة الوزير تغتصب حق المارة وطبعا أنت رايح جى على المبنى وشايف ده كله بنفسك فماهو السبب وراء ذلك والسور القديم يمكن إعادة ترميمة إذا كان غير صالح حسبى الله ونعم الوكيل في كل من يتلاعب بأموال الشعب وبيت مال المسلمين
عدد الردود 0
بواسطة:
مواطن
رصيف فاسد
ما تظلموش رئيس الحي ... مش يمكن الرصيف هو اللي فاسد وكل شوية يطلب تغيير البلاط
عدد الردود 0
بواسطة:
eng
سبوبه
وعاوز يترقى ... بياخد دورة فساد مقرره عليهم فى المحليات علشان يترقى ... وبعدين هو عارف ان مش هيحصلوا حاجه ومفيش حد هيحاسبه ... عادى يعنى
عدد الردود 0
بواسطة:
اشرف سلام
إعرف السبب من 6 اكتوبر - دة موضوع تسوية ميزانية (فساد على كبير يعنى)
تعالوا عندنا فى 6 اكتوبر تشوفوا العجب العجاب ، نفس هذا المنظر يتكرر كل عام ، اسفلت الشوارع مشقق و مشرخ وطالع مصارينه (خاصة طرق المناطق الصناعية-او داخل الأحياء) ، وتلاقى جهاز المدينة داير يكسر فى الرصيف ويعيد تبليطه ، واحيانا ينزع البلاطات السليمة ويتم بدلا منه صب "خرسانة" !!! ولكن الأسفلت باقى على خرابه لأكثر من خمس سنوات - وبالسؤال عن السبب عرفنا ان الرصيف له ميزانية واسفلت الطريق له ميزانية اخرى ، وعشان يتم تجديد صرف ميزانية الرصيف للعام الجديد بنفس المقدار : "لازم نخلص على ميزانية العام الحالى لآخر مليم" وإلا تتخفض للعام التالى - دة من على لسان مسئول بالجهاز (=المحليات) - انما الحمد لله ميزانية الأسفلت خلصانة اول بأول فى "الجيوب" وماحدش بيسأل عنها لأن الحجة العربيات "فرمتها"
عدد الردود 0
بواسطة:
;كن مخنوق
حرام !!!!!
تعالوا شوفوا جهاز مدينة 6 اكتوبر عمل ايه فى طريق المحور امام الشيخ زايد وانتوا تشوفوا الاستهبال والسرقة البجحة وكله على عينك ياتاجر