فيسبوك
واتساب
حَبيبى.. أنْسَاكْ؟
مُسْتَحِيلْ.. ومُسْتَحِيلْ
تِقول نَاسِيكْ..!
لَو بَشر يِقْدر
يِخَاصِم قَمر
وفِى السَما
يِمْنَعُه قَدر..!
دَه يِبقى مُوت
مُوت مِستنّى
مِسْتَّنينى فِيكْ..!
لَو سَواد نَثر
يِخفى هَسّ سَحَرْ
والّلا ضَيّه
لبَدرُه هَجَرْ..!
يِبقى مِش أنَا
مِش أنَا النّينّى الّلى
بِيِن عِينِيِكْ..!
وَلَا أنا شُوق
فى دِمعة حَيْرى
أبّاها رِمْشِيِكْ..!
ولَا صُفرة أسَى
دَايْبَة وبِتدوب
فِى مَىّ.. يِترجّى
سَكن جِفْنِيِكْ..!
،،،،،
حَبيبى.. أنْسَاكْ؟
مُسْتَحِيلْ.. وِمُسْتَحِيلْ
تِقول نَاسِيكْ..!
آنْسَى حَيْاتى
وِهِيّا مَعاك
ويّاك وبِيك
أصَابِعى الّلى
بِيِن إيديكْ..!
والّلى مِنْها
بَاقى لى
كلّه.. والّله
كُلّه لِيِكْ..!
حَبِيبى..
هوّه الّلى
بين ضِلوعى
دَه قلبى..؟
والّلا رُوحك
وفِ حُضنى نَايْمة
صَاحيْة رايْحة
جايّة تِنَادِيِكْ..؟
،،،،،،
حَبيبى.. أنْسَاكْ؟
مُستحيل.. ومُستحيل
تِقول نَاسِيكْ..!
*****
