فيسبوك
واتساب
ولا ورق ولا قلم
يكفوا بوح الالم
لا عتاب وندم
على احساس عدم
من ناس شبه الصنم
الحزن ملى الصدور
والعتمة طغت على النور
الفرح كان بحور
بلون وريحة الزهور
زى اللى فى عيون الصغار
ولما صاروا كبار
اتحول الفرح صمت
فى ليل ورا سور
مش طايله جناح عصفور
لما شافوا الدنيا زحمة
وانطفئ نور الرحمة
من عباد
قلوبهم بقت سواد
غطى على عيونهم وزاد
شافوا الحق باطل
وكلام كتير تماطل
قصص وحوارات قديمة
والنوايا مش سليمة
تكتم جواك وساكت
بس لسه واقف ثابت
وبسرعة العمر اتسرق
فى بحر الأسى غرق
الحلم منى أتمزق
الصخر اشتكى ونطق
وصوت الناى الحزين اختنق
وأنت لا قادر تحكى وتشكي
ولا قادر حتى تبكي
وأحوال الدنيا تحير
والناس صعب تتغير
والعمر مهما طال قصير
ومن خاف سلم
ومن طغى ظلم
ولا ورق ولا قلم
يكفوا بوح الالم
