فيسبوك
واتساب
راح زمن المحبة وراح زمن الوفا
والغدر ف كل حتة والخير راح واتنسى
راحوا فين الطيبين اللى سقونا الحنين
مافضلش غير ريحتهم فى ناس قليلين
يرحم أيام زمان زمن الجمال والدفا
**********
الناس المخلصين ورا بعض بيرحلوا
مبقاش غير كدابين وناس بيحوروا
ونعيب على الزمان والعيب ياخلق فينا
وبنظلم من زمان فى قلوب وعيون حزينة
راحوا فين الطيبين اللى سقونا الحنين
مافضلش غير ريحتهم فى ناس قليلين
يرحم أيام زمان زمن الجمال والدفا
راح زمن المحبة وراح زمن الوفا
***********
بنلوم ليه ع الزمان ونعاتب فى السنين
فيه ناس كتير خسيسة وناس مش حساسين
حاجات كتيرة فينا دلوقتى اتغيرت
بنخون أقرب ما لينا وع الصح بنعترض
راحوا فين الطيبين اللى سقونا الحنين
مافضلش غير ريحتهم فى ناس قليلين
يرحم أيام زمان زمن الجمال والدفا
راح زمن المحبة وراح زمن الوفا
