يا بهية قولى ولا تخبيش
قومى داوى جرحك ولا تبكيش
من جرح ابنك ولا تشكيش
يا بهية قومى كفاية أنين
والقلب متشرب بحنين
وضناكى هو الروح والعين
ادعى له يلا إن شاء الله يعيش
يا بهية قولى ولا تخبيش
فاكرة الليالى الحلوة تمام
أو ننة وتطبطبى وينام
لو خاف فى مرة من الأحلام
يتدفى جوا عنيكى ينام
وتغنى يا أمة أحلى كلام
على نبض قلبك آه يا سلام
من دق قلبك هو يعيش
يا بهية قولى ولا تخبيش
وانسيه يا غالية وما تنسيش
انسى الأسية ما تفتكريش
وافتكرى حبه ولا تنسيش
ييجى يوم يصالحك أو ما يجيش
ادعى له يلا إن شاء الله يعيش
يا بهية قولى ولا تخبيش
يا بهية قلبك يحكى حاجات
فى الدنيا من صبيان وبنات
حبك مطرتش جوا آهات
ولا حد حاسس بالصرخات
يا بهية قومى وعيدى حسابات
من بنك حبك فى روايات
والرحمة من رب السموات
قومى ناجى ربك بالدعوات
هو الحنين غيره مفيش
يا بهية قومى ولا تبكيش
يا بهية قولى ولا تخبيش
