تعرف على 10 جمل خالدة لأحمد زكى عن الحب .. اتعلموا منه تحبوا

أحمد زكى، أو كما لقب بالنمر الأسود، أسطورة عصره، البيه البواب ومعالى الوزير والرئيس، اللاعب بالبيضة والحجر، والبرئ والرجل الثالث الذى غاب عن عالمنا قبل 11 عاماً ليؤكد أن العمر لحظة ولكنه ظل صامداً رغم ما لحق به من مرض ليكون كالأشجار تموت واقفة، ورغم مرور السنوات على وفاته ظل رفيق درب الشباب بمقولاته الخالدة فى السينما المصرية والتى كا أشهرها.

فى مشهد جمعه بالنجمة الراحلة سناء جميل، بفيلم اضحك الصورة تطلع حلوة، حين تقول له والحب ياسيد، فرده عليها" و أنا هعمل فى ده إيه ياما، ده لا بيتمنع ولا بيتحاش ومليش حيلة معاه لا أنا ولا غيرى".

مشهد من فيلم اضحك الصورة تطلع حلوة

وفى مشهد آخر من الفيلم نفسه، لحظة زواج حبيب ابنته بأخرى حين يخاطبه أمام الجميع بالفرح قائلا كلمته الشهيرة " كلمة أنا بحبك عقد، اللمسة عقد، النظرة عقد، الوعد بالجواز دا أكبر عقد" .

كلمة بحبك عقد

ومشهد ثالث بالفيلم ذاته وهو يواسى ابنته لفراق حبيبها، قائلا" الواحد يزعل على حاجة كانت فى إيده وراحت منه، إنما يبقى غلطان على حاجة كان بيتمناها وماجتش".

احمد زكى ومنى زكى

ويردد أبناء الجيل الحالى كلمة خالدة للنجم الأسمر " مفيش حد بيهمه غير نفسه بس احنا العشم واخدنا شويتين"، ومفيش فرحة ببلاش .. كل فرحة وليها ثمن" .

وجملة أخرى بفيلم النمر الأسود، حين يقول للراحل أحمد مظهر" الحاجات بتيجى أول ما نبطل ندور عليها أو نستناها المشكلة بقى هل لما هتيجى هتكون لسة جوانا بنفس الشغف؟

مشهد من فيلم النمر الأسود

وعبارة شهيرة يرددها الشباب أثناء عنائهم من قلة التقدير فيقتبسوا كلمة زكى الشهيرة " فى ناس حطيناهم فوق راسنا، بس الظاهر كده إن المكان طلع عالى عليهم" .

وكذلك جملة " كلهم كدابين وعارفين إنهم كدابين وعارفين إن إحنا عارفين إنهم كدابين وبرضه مستمرين فى الكدب وبيلاقوا اللى بيصقفلهم".

وبلسان عاشق قال" أنا معرفش إيه هو الحب لكن لو الحب هو إنى أبقى مش شايف حد غيرك قدامى، وإن أبقى عايزك ليا لوحدى ومافيش حاجة فى الدنيا ليها قيمة غيرك إنتى يبقى أكيد أنا بحبك" .

كما قال " شوية جنان عشان نعرف نعيش". 

مشهد من فيلم معالى الوزير