أحمد الغرباوى يكتب: حَبِيبى.. أموت وَلا أجْرَحَكْ..؟

السبت، 13 أغسطس 2016 02:00 م
أحمد الغرباوى يكتب: حَبِيبى.. أموت وَلا أجْرَحَكْ..؟ حبيبين

مشاركة

اضف تعليقاً واقرأ تعليقات القراء

حَبِيبى..

زَعْلان مِنّى..؟

اتكلّم.. قُول..؟

 

بَلاش تُسكت.. وأنا

وأنا مِزعّلَك..؟

أموت يا حَبيبى

ولاحَرفى يِجرحَك..!

، ، ، ، ،

حَبِيبى..

زَعْلان مِنّى..؟

اتكلّم.. قول..؟

 

سُكَاتك ضَلمة

وحِتّة حِتّة

حِسّى بيتحرق

على مَذْبَحك..!

 

جِوّا صَمْتٍ

ماتسبنيش أصرخ

وربّى بَعبُدك..!

 

خَايْف أنام

وروحى تِنحرم

من جَنّتك..!

، ، ، ، ،

حَبِيبى..

زَعْلان مِنّى..؟

اتكلّم.. قول..؟

 

فى سِرّى كِفايْة

يتعذّب بِيك حُبّى

مخنوق وِسَجنّى عِشقى

لا فى يوم

حَسّيت أسى قلبى

ولا دَمعى خَبّرك..!

، ، ، ، ،

حَبِيبى..

زَعْلان مِنّى..؟

اتكلّم.. قول..؟

 

بَلاش تِلومنى

لأن الدُّنيْا كَانت

لروحى مِخدَعك..!

 

بَلاش تِعاتبنى

لأن الدُّنيْا كانت

لعَيْنى مَطرحك..!

 

بَلاش تِهجُرنى

لأن الدُّنيْا

فى عمرى يا عُمرى

كانت دُنيْتك..!

، ، ، ، ،

حَبِيبى..

زَعْلان مِنّى..؟

اتكلّم.. قول..؟

 

بلاش تُسكت..؟

ده لو زَعلّتك أخاف..!

خايْف أغضب ربّى

وِهوّه اللى كُلّ دَه

وهَبنى مَحبتك..!










مشاركة

التعليقات 1

عدد الردود 0

بواسطة:

احمد

رزق الهبل

علي فكره انا بكتب كلمات اغاني الكلمات المنشوره دي ماتجيش حرف فيها ... ولكن للأسف ماعنديش علاقات عامه بمعني اني بكتب كلمات جميله بشهاده كل من يقرأها ولكن مش عارف اوصلها لمطرب ... ارززززززززززززززززززززززززززززززززززززززاق

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة