التموين : ضبط 1397 نظارة وشنبر مغشوشة بمنطقة وسط البلد

عدد الردود 0

اقرع ونزهى !!

فيه مثل شعبى بينطبق على جماهير الشعب المصرى عموما وهو , أقرع ونزهى , المثل ده هو اللى بيخلى التجار تلجأ لتقليد الماركات المشهورة علشان تشجع الزبائن على الشرا , لأن المشترى عاوز يشترى نظارة ماركة لنفرض تمنها مثلا 5000 جنيه , وهو مفيش فى جيبه الا 100 جنيه , طيب تيجى ازااى ؟؟ فبتكون النتيجة ان التاجر بيقلدله الماركة اللى هو عاوز يتفشخر بيها , فى حدود المية جنيه اللى هو عاوز يدفعها , فى الوقت اللى لو التاجر قدم النظارة او الشنبر ده على انه مصرى وتمنه 100 جنيه محدش هيشتريه !! شفوا بقى ان المشكلة أصلا فى شخصية الأقرع النزهى !! وعلى فكرة غاالبا المشترى بيكون عارف ان الماركة مضروبة , ولكنه بيعتمد على ان اللى هيتفشخر بيها عليهم ميعرفوش !! المشكلة فى رأيى الشخصى مش فى تزوير الماركات , المشكلة ان النضارة الشمسية المضروبة دى ممكن تكون مصنعة من خامات مضرة بصحة اللى هيستعملها , دا ممكن تكون مصنعة من الزبالة تحت بير السلم !! وبالتالى الزبون لازم يكون محترم ويتصرف فى اطار امكانياته , مش فشخرة فارغة تسببله مشاكل , يعنى عاوز تشترى نظارة شمسية يبقى تروح تشتريها من مكان محترم بماركة أصلية ولو حتى مصرى , بس تكون معروفة هى مصنعة فين وخاماتها ايه , مش هتستفيد حاجة لما تتفشخر قدام اصحابك بنضارة انت مفهمهم انها بخمس تلاف جنيه وهى بخمسين جنيه وتسببلك التهابات ومشاكل فى عينيك !!