فيسبوك
واتساب
يا شمس المحبه يا بستان المرح
كل اللى شافك قلبه انشرح
وسمىَ وصلىَ وطار م الفرح
فى حبك يا وزه أنا هاكتب أغانى
وأول ما خلص هاعيد من تانى
يا اللى إبتسامتك طبيبى المداوى
عن سِنه لولى أنا هاكتب غناوى
وعن كف نونو وصوابع إيديكى
ربى اللى خالق يباركلى فيكى
أيوه أنا هاكتب وأَشعِر كمان
وأحكى بضحكى حكاوى زمان
عن طفله بتحبى فتملا المكان
فرحه وسعاده ومحبه وأمان
ولو مره تبكى كأن المكان
فيه صوت ينادى حلاوة زمان
عيد ميلاد أرشيفية
