أحمد الغرباوى يكتب: حَبيبى.. أنا كُلّى لِيك..؟

الإثنين، 11 يوليو 2016 12:00 م

ورقة وقلم - أرشيفية

حَبيبى..
أنا كُلّى ليك..
كُلَ حَاجة فِيّا بتناديك
رَغم إنّى عَارف
إنّى مِش لِيك..!

هَاربة منّى مَشاعرى
رافضة شِويّة
تِستنى بعيد
ومن زمان روحى
صُفرة مَىّ عِينيك..!

ومِن يُومَها
لاعَايْش ولابَشوف
إلا.. إلا بيك..!

حُبّ إتأخر فِ عُمرى
النهاردة إتولد
بين إيديك..!

إرفضيه..؟
إجرحيه..؟
إخُنقيه..؟
بسّ مِش قرارك حَبيبى
مِ الجنّة تطرديه..!
وِحَيْاته ومُوته فِيك..!
وَمُوته وحَيْاته لِيك..!
،،،،،
حَبيبى..
كُلَ حَاجة فِيّا بتناديك
وكُلّى اللى لِيك
لِسّه..
لِسّه بيناديك..
بيناديك..؟

*****