موجة غضب وسخرية تجتاح "تويتر" عقب أزمة تسريب الامتحانات

دشن رواد موقع التواصل الاجتماعى "تويتر"، صباح اليوم الأربعاء، هاشتاج بعنوان "أتوقع مستقبل بلدنا بعد التسريب"، والذى شارك فيها المغردون بكلماتهم عما سيحدث عقب استمرار أزمة تسريب امتحانات الثانوية العامة، والتى تشغل بال جميع القائمين على الدولة ونواب البرلمان وخاصة وزارة التربية والتعليم، فيما طالب بعض المغردين بالتحقيق مع وزير التعليم، وكذلك المطالب بإقالته.

وجاءت أبرز تغريدات رواد "تويتر" عبر الهاشتاج كالآتى "التنسيق هيعلى ومش هنلحق حاجة واللى شافو الامتحان هيبقو دكاترة، واللى طلع عينه طول السنة هيفتح كشك سجاير"، وقال اخر " هيبقى عندنا مهندسين ودكاترة وسياسيين، مش بيعرفوا يفكوا الخط، ما شاءالله ما شاءالله"، وقالت عليا "يمكن دا الخير لينا، خدنا ايه من العباقرة إلى دخلوا كليات القمه، نجرب بقا الفشلة وهما فى القمه هيعملوا فيها ايه".

وتابع المغردون "السنه اللى فاتت الامتحان بس اللى اتسرب، السنه دى الامتحان بالاجابه، السنه الجايه الامتحان بالاجابه بالنتيجه"، "مش هذاكر واكيد هنجح وهدخل الكلية اللى انا عايزها كمان"، واضاف أخر"الكام سنه إلى جاين لما تروح لدكتور اسأله انت دفعه كام فى ثانوى، لو قالك 2016 تاخد بعضك وتجرى".

موضوعات متعلقة:

- الداخلية: تساقط أدمن صفحات الغش وتسريب الامتحانات الواحد تلو الآخر