أيمن ماهر يكتب: رباعيات رمضانية

1
رمضان مش شهر بييجى ويروح كده
رمضان شهر الصيام والهدي
تقرأ قران.... تساعد انسان
وسيبك من خصال النفاق بقي!
2
كل يوم فى رمضان نستنى الغروب
وربنا ينادى هل من انسان يتوب؟
فهل تركنا المعاصى ام أننا...؟
مازلنا ننتظر الغروب....... ؟
3
الله على الصيام فى رمضان ولذته
دى نعمة لسيد الخلق وأمته
ايام معدودات والعتاد
صبر الانسان على الجوع والعطش وشهوته
4
ونستنى فى رمضان الفرحة واللمة
ويبقى حواليا على الفطار الخاله والعمة
وابتسامة خالى وعمى وجدى والجدة
يا رب ما تفرقنا وديمها علينا نعمه
5
وبعد الفطار نفكر فى.... التراويح
ومن أول ليلة فى رمضان تبدأ التسابيح
وتعلو فى المساجد........ الله اكبر
ويعلو فى قلوبنا..... الذكر والمديح
6
الفرض فى رمضان بسبعين فى غيره
والنافلة بفرض فى غيره
يبقى حلال ولا حرام يا مسلمين
رمضان يعدى عادى زى غيره
7
سلى صيامك وافتح القران واقرأ
دا أول ما نزل م القران ع النبى اقرأ
وادعى فى سرك دا الدعاء نجده
واللى مش هتحتاجه النهاردة هتلاقيه بكره
8
ابعد عن القيل والقال فى وقت الصيام
واشغل بالك بالصلاة والقيام
وابعد عن نفسك ما تطاوعهاش
ليفسد صيامك ويضع ركن م الاسلام

9
الحكمة من صيامنا لا هى بالعطش ولا الجوع
الحكمة من صيامنا نحس بالفقير الموجوع
وندوق عذابه... وحرمانه... وحسرته
ونعرف ان كلمه.. كافر.. بتظهر وقت الجوع
10
الحكمة من صيامنا أن النفس تتادب
وتبعد عن الحرام وتبطل تكدب
وترجع شويه لربنا وتستغفره
وترحم شويه الملايكه وتبطل فى السيئات تكتب
11
فى رمضان ما تنساش الفقير بصدقة
دا الصيام اتفرض عشان تحس بفقره
وعمر الصدقة ما نقصت من مال ابدا
دى بتزيده وتزوده بركة
12
الزكاه ركن زى الصوم تمام
وفرضت عشان تسعد الغلبان
توسع عليه.... تفرح عينيه
أديها فى وقتها وحسسه بالأمان