فيسبوك
واتساب
رغم أحداثها الحزينة
فى الحكاية
عشق مش محسوب علينا
قصه غير كل القصص
حب منزوع الفرص
بعد بيقوى الحكاية
قرب... كل ما زاد.. نقص
نظره فضلت نظره أولى
وابتسام ما بقاش ميعاد
رمش مش قد البطولة
قلب مش حمل البعاد
ابتدينا من النهاية
و انتهينا من البداية
شاور الحب ل طريقنا
بس ما دخلش الحكاية
ع الحدود ماشيين ب خوف
و الكلام مشتاق حروف
و الايدين ممدودة.. لكن
الشقوق ماليه الكفوف
باعترف
ما أقدرش أنكر
الغرام محتاج لقوة
بس رغم الضعف أكتر
فى الحكاية... حاجه... حلوة
ورقه وقلم
