أحمد الغرباوى يكتب: حَيْاة تِموت جوّا إنسان..!

ليه.. يازمان..؟
لا زَىّ.. ولا ليه
ولا.. ولا كَمان
علشان..!
حَبّيتها إمبارح
ولبُكرا عَايْشها
وبَعيشها دلوقتى
الآن..!
،،،،،
ليه.. يازمان..؟
الوردة اللى
رَبطت ضِفيرتها
عَ الرمل رَمتها
ودّسها.. دَسها
حَنان..
حِنيّة زيْف
لابسة جَذمة
إنسان..!

بَسّ الريحة
اللى سابقة
سِكّين دَبحى..!
وعن روحى مخبّى
رمل دَفنّى..!
مِ الجَنّة..
اشتراها قلبى
بُرهَان..
بُرهان عُمرى
لعِشق روحى
بَرفان..!
،،،،،
ليه.. يازمان..؟

ليه..؟
حَيْاة تموت..
بتموت جوّا
إنسان..!

شَايْل عِشقه
وفِ أبيض روحه
لفّه حُبّه
أكفان..!

لا عَارف يكون
تُربى لنفسه
ولا انثال حُزنه
يِمسح شاهد قبره
حُبّ..
حبّ يترقّب جنّة
رحمن..!
،،،،،،
ليه..
ليه.. يا
زمان..؟