وائل عبد الودود حسين يكتب: اعشقه بكل ما فيه

ابدأ بالصراحة مع نفسك
ولا تسلم للأمر الواقع
بص بنظرة صدق لنفسك
ده حب النفس كتير مخادع
هات ورقة وقلم واكتب فيها
أى مشاكل عايش فيها
ومهما كترت أو كبرت
ليها حل وبإذن الله تخطيها
لا تتحسر على ذكرى الماضى
لو كان حلو أو كان فاضى
خلى الحلو سندك بكرة
والسيئ خد منه عبرة
واللى ما داق طعم الفشل
عمره ما يعرف طعم النجاح
أوعى تندم على يوم فاتك

لسه النور موجود فى حياتك
أبنى من الماضى للمستقبل
عيش الحاضر وشوف وأتأمل
ومهما تكون عايش أتعلم
أعلى بفكرك وأتقدم
واللى مش يفيد
مش يضر والمعرفة تزيد
ألغى كلمة مستحيل
ولو الطريق صعب وطويل
ممكن تحقق أى شىء
قبلك تعبوا عشان يبقوا شىء
لا تختلق أعذار
ولا تعيش مهزوم فى انكسار
لا تحكم على الحاجة
قبل ما تجربها
وتبعد بعيد عنها وتهرب
النجاح ممكن يبقى قريب
بس الخوف يكهرب
شوف الناس فى كتب التاريخ
لو اليأس كان طريقهم
ما كانوا راحوا المريخ
ومن غير جناح ولا عقل فذ
ولا حتى كانوا ولاد عز
السر فى الإيمان بالحلم
يكبر بالروح والعلم
ولو حاولت كتير وفشلت
شوف ألبرت أينشتاين
فى المدرسة فشله باين
بقى من أعظم علماء الأرض
توماس إديسون فشل فى تجاربه
لكن بإصراره وعزيمته
نجح ومشيوا كتير على دربه
امسك فى حلمك واتعلق بيه
اعشقه بكل ما فيه