اه ف اول شهر
والمرتب زال
وتهت انا ف أقساط
ودروس كمان لعيال
سألت فين العدل
سألت الف سؤال
كسرت باب مقفول
مقفول بإيد محتال
اخويا ضهره إنحني
وكترت الأحمال
وقف ف وسط طريق
كفايه ظلم ضلال
مصنع ياريت يشتغل
يشغل العمال
ويرجع ال سرق
يرجع الأموال
بس خلاص الكل هيسمع
بعد العدل مايجى ويرجع
اول درس كتبته خلاص
كان فيه محبه بتجمع ناس
كان فيه زمان كان فيه إخلاص
وناس تزورنى وتسأل عني
ياريتها ترجع بلد
ترجع فى أحسن حال
بس ياعم بعت رساله
بعت كام مرسال
شربت انا من البحر
مش عاجبنى الحال
راحت ثقافه وفكر
كله عاش ف جدال
رجعت اغانى غريبه تعنف الأجيال
وراح لماتش الكوره
يحجز سنه قدام
واه فى وسط الماتش
لو انقطع إرسال
وبدل زمالك أهلى
أرسنال وريال
حوجه مره خواجه جوا
راحت عادات أمثال
جف تانى النهر
واتغيرت أشكال
واه ف اول شهر
والمرتب زال
وتهت انا ف أقساط
ودروس كمان لعيال
أموال - أرشيفية
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
بلسم الزيدي
من اجمل ما كتبت