ليه كل حاجة فلوس، ليه سهل بيع النفوس
يا حب يا محبوس اصرخ وقول آه
فى قلوب بتنبض آهات وقلوب بتبكى ساعات
وناس بتموت من سكات وكله عشان الفلوس
هديتوا ليه الأساس ،ليه الشر عليكم فاز
حرام عليكم يا ناس ، موتم الإحساس
نفوسنا تعبت خلاص والقلب عاش مجروح
نسينا الإخلاص والشر بناله سروح
نفسى أعيش إنسان بقلب مش مجروح
نفسى يكون لى كيان الحب فيه مسموح
نفسى أعيش إنسان ،من غير ثمن وبكام
نفسى أحس بحنان الحب ذى زمان
فينك يا دفى القلوب ،تخفف عنا الذنوب
تعلمنا أزاى نتوب وندعى يا الله
مش كل حاجة فلوس ولا سهل بيع النفوس
يا حب يا محبوس أصرخ وقول آه
شخص حزين - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة