ينام العالم وأنا مستنى
تجيلى فى خلوتى بليل
أكلم روحك وأحكيلها
وأغنيلها كمان مواويل
ينام العالم وأنا سهران
أكتبلك وأعبر عنك
كل حاجة فيكى فيا
لولا اختلاف الشبه
كُنت هكون صورة منك
ينام العالم وأنا لوحدى
تايه فى متاهات العشق
لملكه توجت على الارض
يتغير العالم وتموت وتتولد ناس
وأنا حبى ليكى لساه
بالنسبالى سنه وفرض
ولا يوم هيتغير ولا يقل
غرامى فيكى زى عباده
مستحيل منها أمًل
ينام العالم وانا تايه بين صورك
عشمان توصّلنى للبًر
هتتغرى ! عادى
مللى زيك لازم يتغر
ومن واجبى أكونلك خير
وأمنع عنك أى شر
أخر ساعه فى الليل
روحك بتقرب منى
وتضحك ضحكه علشانى
وتنشر البهجه فى مكانى
وتمسك ايدى فأطمن
وتصبح الفرحة ملازمانى
أبص بعينى عليكى
وأتخيلك موجودة جنبى
فكلمك وخد رأيك فى حاجات
كان نفسى تشاركينى فيها
آخر نص ساعة فى الليل
أجيب ورقة وأكتب عليها
عشقى لاميرة الاميرات
وعلى الهامش اوضح ادله
لجل متثبت إنى بحب بنوته
غارت منها سندريلا
لما كتبت عنها أحلى حدوته
قبل متشرق الشمس بدقايق
امسك تانى صورتك
وأخد اخر نظره منها
وأحضنها وأطمنها
بأن هيجى اليوم
ويجمعنا حلال الله
يا مصدر النبع والعطاء
يا روح بالنسبالى حياه
ولابد من انى اعيشها
كتبت بيكى البداية
وهختم بيكى النهاية
فأعرفى أنى فى حبك
عايش أحلى حكاية
حب - أرشيفية
