شنودة فيكتور فهمى يكتب: افهموا بقا بنحبه علشان حبها

افهموا بقا بنحبه علشان حبها
وهو ورجاله اللى احنا منهم
دفعوا من دماهم مهرها
هو ينفع جندى فى جيشها
يفرط فى حبه من رملها
ما بالك بقائد وفارس ومارد
مؤمن وعارف بغلاوة ارضها
افهموا بقا بنحبه علشان حبها
فاكر لما كنت انت وصاحبك
واخوك واخويا وعمك وابويا
يناموا تحت الدبابة وجنبها
ده حرصك وصانك
وعمره ماخانك
فى وقت اللى كان غيره بيهدها
لان فى عقيدته يموت ويعزها
افهموا بقا بنحبه علشان حبها
اوعاك تخلى عدوك يقلك
انه بيفكر يبيع فى ارضك
وينسج خيوط ويفرد خطوطه
ويعمل حوارات تدمر شعبها
يا صاحبى يا اخويا يا ابنى وابويا
فتح عيونك وفنجل جفونك
وشغل دماغك وشوف حقها
افهموا بقا بنحبه علشان حبها
ده يوم لما فكر عضو الجماعه
وكان الاداة فى يد عدوها
وقفله الغضنفر اسد بيزأر
وقاله عندك انسى تذلها
ويوم لما حبوا يشيلوا اخوه
كان صاحى ليهم مهما لعبوه
وقال لشعبه وامه وابوه
ده عمره ماكانت جماعه تهدها
بنحبه علشان حبها
عدوك يخطط ويهدم ويهبط
اوعاك تساعده لهدفه يظبط
ده جيشك يا ولدى
ده خالك وعمك ده جارك وصاحبك
سماته فى صفاته وعوده فى صوته
بيحفظ بلاده ويصون عرضها
بحبه علشان حبها
ويجيلك فاشل ومشتاق وجاهل
يقلك يلا ده وقت العويل
وتحسب قروشه وكبر كروشه
تلاقى ان هطله ده يكفى السنين
فاكر سعادته بكلامه الحزين
هيقدر يدمر حضاره سنين
ويلقى ان نئبه طلع على شونه
وكل كذبه طار فى البلكونه
بحبه علشان حبها
لا بعرف أطبل وأغنى وأهلل
لكنى بقلبى لصوته بدلل
مصدق كلامه وده لانه منى
لا يعرف يراوغ ولا يلعب بهمى
وكل مواقفه برجوله وصمود
بتقول ان حقك يا بلدى يعود
دنيا وانتى اد الادود
بحبه علشان حبها
بقولك يا هذا وذاك لماذا
اتعودت تشوف بعيون معصمومين
روح اغسل عيونك وشغل عقولك
وادعى لربك لغشمك يزيل
وتعرف يا ولدى ويا ابن بلدى
مين اللى باعها ومين الأصيل
بنحبه علشان حبها