فتحى حكيم يكتب: آه لو لعبت يا زهر

آه لو لعبت يا زهر...... وعينونى ليوم بس وزير
كنت أعيّن ابن الغفير مدير..... ومفيش فرق بين كبير وصغير وأمّم المصانع والمزارع..... وعهدى مفيش فيه غنى وفقير وأديكم إجازة فى الدراسة...... ولبسكم هيبقى حرير فى حرير
وأسكنكم فى قصور.... والجنيه هيوصل 3 دنانير!!
وأكلكم يبقى تمام...... .بط ووز وحمام... كتير

ده كله مش أحلام...... بس عايز شوية تفكير يعنى نرجع زى زمان.... نزرع ونصنع ونشتغل بضمير وبلاش رفاهيه زيادة.... نلغى "التوك توك" ونرجع "الحناطير".

ونعمل مصانع بزيادة.... وبلاش نستورد "إبر" وصفافير!! والدكتور فى العيادة..... بلاش تجارة الأشعة والمناظير!! والمهندس فى الريادة..... خليها سلالم وبلاش "أسانسير".

والمدرس فى الشهادة.... يرجع "للطباشير" والجير والقاضى على طول فى زيادة... كفياه شغل "المناشير" والموظف فى "الإفادة"..... بلاش يعمل المكتب سرير والسواق فى القيادة..... يسيب البرشام والتخدير.

والفلاح ده ميعاده.... يزرع ويفلح وكفاية تبوير
وكله يرجع لبلاده.... وبلاش نترجى فى الكفيل والأمير
وسط ولاده وأحفاده..... دا بلادنا مليانة خير
كل اللى عايزينه...... شوية ضمير وشوية تنوير وشوية تفكير.... وكفاية تسويف أو تبرير !!!!