العشاق يتجمعون على هاشتاج "بتحب مصر ليه".. حكاية 20 ساعة بقائمة الأكثر تداولا.. والمغردون: عبق القاهرة وروح أسوان وتاريخ الأقصر وبحر الإسكندرية وقدسية سيناء وسحر البحر الأحمر.. ومشاركة من الوطن العربى

سؤال بسيط تمكن اليوم من حجز مكانا واضحا فى المواضيع الأكثر تداولا على شبكات الإنترنت.. بتحب مصر ليه؟.. مساحة جديدة للتفاعل أطلقها المدونون اليوم، وتمكنت من جذب ردود أفعال واسعة وبأشكال مختلفة، واستمر محتفظا بمكانة بارزة فى المواضيع المتداولة اليوم الخميس لأكثر من 20 ساعة كاملة.

تجمع العشاق.. على الهاشتاج

عشاق مصر تجمعوا على الهاشتاج ليعلن كل منهم سبب حبه للمحروسة، وقال البعض "من غير ليه.. بحبها بالفطرة كدا.. وبعدين دى وطنى بغض النظر بقى عن الأشخاص اللى فيها حلوين أو وحشين"، وقال آخر "لأنها هويتى وكيانى.. درة أزمان من قبلى وزمانى.. اسالوا التاريخ عنها يخبركم إنها أرضى وعرضى ووجدانى"، و"مش عارفة الصراحة ليه.. لكن اللى اعرفه انى مقدرش اسمع كلمة وحشة عنها" و"بحبها من غير سبب.. الشخص إلى يحب مش بيفكر فى السبب.. لأنه وطنى وتاريخى وجذورى.. لأنها أنا".

وتابع المغردون إعلان عشقهم "وهو ينفع يتسأل حد جواك قلب ليه ولا جواك دم ليه؟" و"عشان عبق القاهرة وروح أسوان وتاريخ الأقصر وبحر الإسكندرية وجمال الدلتا وقدسية سيناء وسحر البحر الأحمر" و"مصر هى بيتك مهما بعدت مش هتحس إنك فى بيتك إلا وانت فى بيتك مصر".

مشاركة المغردين العرب

ولم تقف المشاركة على المدونين فى مصر، بل امتدت لتشمل عدد من المغردين فى البلاد العربية، الذين جاءت تغريداتهم مثل "أنا لبنانية وبحب مصر عشان شعبا المهضوم.. اللى بحب لبنان واللبنانيين. أكتر بلد عربى بحب لبنان ولبنان بتموت بالمصريين" وقالت أخرى "جزائرية عشقى مصر.. مصر أغلى وطن عربى على قلبى نحبها ونموت فالمصريين خفة دمهم وكرمهم وطيبتهم ملوك الجدعنة يا مصريين ربى يحميكم".

التعليقات الساخرة لها مكان

وبالتأكيد لم يخل الهاشتاج من الجانب الساخر، وخفة الدم المعتادة للمصريين فى جميع المواقف، بعضهم قال "الحياة فى مصر تكفير عن الذنوب.. ده كفاية" وتابع آخر "مصر الحضارة.. مصر الأهرمات.. مصر الجوامع.. مصر الكنايس.. مصر المقاصة" و"عشان إلى احنا بنشوفوا فيها مفيش حد فى الدنيا كلها شافو ولا هيشوفو" و"عشان أنا والحمد لله مش ناشط سياسى، اسألوا الاستاذ حسين فهمى بيعرف يرد فى المواقف دى" و"العشرة مبتهونش للأسف".

موضوعات متعلقة..

- محافظ الفيوم: ارتفاع أعداد زائرى المناطق السياحية إلى 1100 بالرحلة الواحدة