فيسبوك
واتساب
ومين يدرى
توب الفرحة
أوانه ماجاش
غامق لونه
ومافى مقاس
يكفى براحك
الدايب
وقلتى له..
مانستغناش
هلملم هدمتى
وأمشى
فى نفس السكة
من تانى
وأكمل خدمتى
وأمضى
على بيعى
ولو..ببلاش
ومين يدرى
كلامك كله مترتب
وقلبك دقه متكركب
وبتكابرى وبتعاندى
ودمعك نهر متسرسب
ومين يدرى
بدارة لسة أحلامك
وخطك هو ..هو
رصاص
ربيعك ..ضلة
بردانة
وصيفك عتمة
ليل ورصاص
ومين يدرى
خطاوى بسيطة
بالعافية
تشدك من برارى
الخوف
بريئة ونيتك صافية
ودمع عنيكى
كله كسوف
على الضلمة ال..
بطول .. وشمس
الضى فيها.. كسوف
ومين يدرى
حبيبين - صورة أرشيفية
