هبة عرفة تكتب : على قهوة بلدى

قاعد ياولدى احكى حكاوى زمان ...
احكى عن حب امى .......
وعن كرم الجيران .....
وصوت ابويا لما ينادى كمان
ولمة حلوة وسط صحبة وخلان
احكى عن لما ازعل .....
الاقى ايدين تطبطب .
وعيون فيها الامان .....
احكى عن طيبة اهلى .....
وعن فرحة بتندهلى .....
من غير مادق بيبان .....
احكى عن السعادة .....
اللى كانت زيادة .......
وفى كل وش تبان ......
وعن بكرة .......
مكتش بسأل ......
سيبها ربى يعدلها ......
وانا ابات فرحان ....
احكى عن مدرستي.....
وقلمى وكراستى ......
لا وكمان برايتى .......
واستيكة تمحو الاحزان .......
احكى عن دنيا جميلة
متذوقة فى عيننا .........
ولو ضاقت واسعة علينا ........
ولو بعدت تنادى علينا ....
وتاخدنا بالاحضان ........
احكى عن صورة تانية .
وعن تقصيلة فى عنية
وعن لقمة هنية .....
كانت فى كل مكان
احكى لكم ايه تانى
انا يمكن حد تانى ...
عايش ودا زمانى ........
والكل فى ساقية داير
والاستاذ الزمان