بالصور.. فيفى عبده تجيب عن أسئلة قراء "اليوم السابع" المشاركين بهاشتاج "اسأل فيفى":أتشرف إنى راقصة وهشارك فى عمل مسرحى.. الفنانة: "الحمد لله أنا حافظة قرآن".. وتؤكد:كيم كاردشيان شبهنا بملامحها العربية

أجابت الفنانة والراقصة الاستعراضية "فيفى عبده" عن أسئلة قراء "اليوم السابع" التى شاركت على هاشتاج "اسأل فيفى" الذى دشنه الموقع منذ الصباح لتواصلها مع جمهورها أثناء تواجدها بندوة بمقر الجريدة اليوم.

اليوم السابع يستعرض أبرز الأسئلة الموجهة للفنانة وقامت بالرد عليها:

هتعملى مسلسل إيه فى رمضان ومع مين يا فوفه !!؟

شاركت الناشطة فرح نادر بسؤالها عن مسلسل فيفى عبده القادم، وأجابت الفنانة أنها لن تقوم بتمثيل مسلسلات أو تقديم برامج فى شهر رمضان المقبل، ولكنها ستشارك فى عمل مسرحى مع الأستاذ "محيى زايد" فى شهر إبريل القادم.

ممكن تتكلمى عن سنك !؟

أجابت الفنانة عن ذلك السؤال قائلة "أنا عندى 3 أعمار، أو كل بنى آدم فى الدنيا عنده ثلاث أعمار، اتخلق بعمر وهو شايف نفسه بعمر والناس شايفاه بعمر.

بتتابعى كيم كارديشيان !؟ وعارفه عندها كام فولورز !؟

طبعا بتابعها، وأنا اتكلمت عنها قبل كدا والى بيميزها أن شكلها عربى، شبهنا مش شبه الأجانب، الشعر الأصفر والعيون الزرقة، علشان كدا كل الناس بتبص عليها، وآه طبعاً عندها فولورز كتير.

ايه ضريبة نجاحك !؟ وهل ندمانة على الضريبة إلى دفعتيها !؟

إلى أنا دفعته من عمرى، سهر وزجاج بيدخل فى رجلى طول الليل وأنا بشتغل وأروح أعيط وأشيل الإزاز من رجلى، دا كله دفعته من عمرى، وأنا أتشرف أن أنا راقصة، والراقصة من كتير المجهود إلى بتعمله معندهاش اى وقت تعمل اى حاجة.

وعن سؤال الندم على الضريب، قالت الفنانة "أنا حاسة بحلال، حاسة أن ربنا مبارك لى حاسة إنه بيدينى كل حاجة كويسة، ولكل مجتهد نصيب".

رأيك فى مواقع التواصل الاجتماعى "فيس بوك، انستجرام، تويتر" !؟

دول بقوا مصيبة سودا، محدش بقى راضى عن بيته بسبب الانستجرام، محدش راضى بعيشته خلاص.

هل ممكن تفكرى فى الاعتزال!؟ وهل بتفكرى تعملى مسلسل اعتزال زى مباريات الاعتزال للاعبى الكرة !؟

لما أحب انى اعتزل، هقول أنا هعتزل، أنا لحد دلوقتى بحب الرقص جداً، وأنا كسرت الدنيا بجلابية بيضا، ولبستها لان مكنش معايا فلوس اشترى ساعتها بدلة رقص.

يا ترى فيفى عبده هتكون حافظة قرآن ولا لاء !؟

آه الحمدلله رب العالمين.

بتسمعى أغانى المهرجانات وإيه رأيك فيها !؟

من حق البلد دى إنه يكون فيها كل حاجة، وأنا كنت برقص على أغنية "أمل" لأم كلثوم وبرقص على أغنية "كداب يا خيشة" ولما سألنى محرم فؤاد قالى يا فيفى حرام عليكى فى حد يرقص على "كداب يا خيشة" قولتله أنا علشان أرضى كل الأذواق، ومش عاوزة أكون محدودة، والى الناس عاوزاه أنا هعمله، أنا برقص على دا وعلى دا.

إيه الحاجة إلى حياتك تكتمل لو هى موجودة !؟

إن الرقص الشرقى ياخد حقه ويكون موجود له نقابة والناس معترفين بيه.

نصيحة للبنات ونصيحة للولاد !؟

إحنا بنتجوز ومحترمين علشان الراجل بيتعب علينا، وبيجرى علينا لازم بقا البنت تعمل كدا، والشاب مبيحبش البنت السهلة يحب البنت المحترمة، دى النصيحة إلى لازم أقولها لكل بنت كأم مش كـ فيفى، أن الحاجة السهلة بتروح سهلة، والحاجة الكويسة هى إلى بتدوم.












- بالفيديو والصور.. "قشطات عسلات فُلات".. من فيفى عبده لمعجبيها خلال زيارة لـ"اليوم السابع"