الصدر سجن
والهم فيه محبوس
والغلب فيه عايم
وسط الضلوع مدفوس
الدم ف الشرايين
علقم كما الصبار
وأقول دى أزمة وتعدى
أكيد ده شكله كابوس
ذاكرت فن الحب
من الألف للياء
لكن ف امتحانه سقطت
علشان ماليش ف الغش
ومانفعش ليا دروس
ألم بكل لغات
والاهة سابت علامات
تقولش سهم قاصدني
وسط الحشا مفروس
ولا شوفت يوم النور
كان كل حلمى الضى
دى العتمة مالهاش زى
يا مين يجيب لى فانوس
ماطلبتش الجنة
ده أنا نفسى أتهنا
يقابلنى لو واحد
حبه يكون ملموس
قلم وورقة - أرشيفية
