بالفيديو.."حجاجوفيتش" يعرض احتفالات الطلبة بانتهاء الامتحانات فى أوروبا

عرض الرحالة المصرى أحمد حجاجوفيتش، مقطع فيديو يظهر احتفالات الطلبة فى أوروبا بعد الانتهاء من الامتحانات، فى الميادين والحدائق العامة، متمنيا تنظيم مثل هذه الاحتفالات فى مصر دون تحرش أو مضايقة الفتيات.

وعلق "حجاجوفيتش" على الفيديو، قائلا: "كل طلبة المدارس الأوروبيين بينزلوا الميادين والحدائق العامة فى آخر يوم دراسة عشان يحتفلوا بانتهاء السنة الدراسية، ملايين الطلبة والطالبات الشباب بيلبسوا أى لبس هما نفسهم فيه، حتى لو ملابس بحر، ويخرجوا بكل حرية وفى سلام تام عشان يفرحوا ويرقصوا ويهيصوا".

وأضاف:"الغريب أن مفيش أى شرطة أو قوات خاصة بتأمن الاحتفالات دى، ومع ذلك لا يمكن لأى بنت حتى لو كانت لابسة ملابس قصيرة جدا، إنها حتى تتخيل أن حد ممكن يتحرش بيها أو يضايقها فى الشارع أو المواصلات العامة، لأن الحكومات فى الدول دى اهتمت بالتعليم وزرع ثقافة احترام الآخر واحترام حرية المرأة، ولم يحدث إن فيه رجالة أو ولاد قالوا أصل العيب على لبس الستات والبنات زى ما بيحصل عندنا".

واختتم "حجاجوفيتش"، تعليقه متسائلا: "لو طلبة مدرسة من المدارس عندنا فى مصر قرروا ينزلوا يحتفلوا بنهاية الدراسة فى ميدان أوحديقة عامة..حيحصل إيه؟، ويا ترى ليه مصر واحدة من أكتر دول العالم فى نسبة التحرش، مع إن مفيش بنت أو ست بتنزل الشارع بلبس زى اللى فى الفيديو ده ومع ذلك بيتعرضوا للتحرش".

موضوعات متعلقة ..

- بالفيديو.. حجاجوفيتش يكشف عن أسرار متحف الآثار المصرية فى السويد