فيسبوك
واتساب
خَلـّى فى كام متــــر بينــا
تمنع الكيميـــاء اللى بيــنا
تمنع الشوق اللى نفســـه
يبقا مُجــرم ومحاصرنـا
.
إبقا ســـــلّم من بعيـــــــد
مش ضرورى تمد إيــــــد
الســـخونة اللى فى إيــدك
قــــادرة وتدوّب حديـــــد
.
وأما تبقـا تبــُص ليــــــة
ارحم الضعف اللى فيـــــه
مش ضرورى تبـُـص بصّة
فيها عشــــــق ومفتريـــة
.
وإبقا اتجاهل وجــــودى
لأحسن أخرج عن حدودى
وأظهِر الجنب اللى مخفـى
بانشــــغالى.. وبـردودى
.
ولا أقـولك.. لما توصل
إنســـــى تفصِل أو تمثـــل
إبقا خـُـد إيــــدى وســـلم
واللى يحصل يبقا يحصـل
حب - أرشيفية
