نصر الدين محمود سالم يكتب: كل شيخ وليه طريقة!!

الخميس، 04 فبراير 2016 12:00 ص

ناس فى الشارع

اضف تعليقاً واقرأ تعليقات القراء

الموضوع إن الخيال
واللى تستغرب عشانه
فى ثانية
يتغير حقيقة
واللى تشوفه من وحوش
فى دنيا تانية
وشوش بريئة
واللى عاشت عمرها
ساكتة وجبانة
عايشة فى سكوت

حاسة دلوقتى بمكانه
بقى ليها صوت
وكمان جريئة

لو كل واحد شاف صفاته
يشوف الكون بعيون ضميره
لو كل واحد شاف حياته
بنظرة الإحساس بغيره
لو بس يدى لنفسه وقت
قدام مرايته يعيش دقيقة
عقول ومتخربة
صورة ومشخبطة
ناس بتحبى
وناس تخبى
وناس بتجرى
وناس تحلل
ناس تحرم
كل شيخ وليه طريقة
بس الحقيقة
ناس بدون إحساس
ماشية وخلاص
ودم متجمد وباهت
كل ده صورة فى خريطة