هاشتاج "علوم هتاخد حقها" تريند بـ"تويتر" لتنفيذ مطالب الطلاب بعد التخرج

الأحد، 28 فبراير 2016 04:26 ص
هاشتاج "علوم هتاخد حقها" تريند بـ"تويتر" لتنفيذ مطالب الطلاب بعد التخرج كلية العلوم جامعة عين شمس
كتب عمرو حسين

مشاركة

اضف تعليقاً واقرأ تعليقات القراء
ظهر هاشتاج "علوم هتاخد حقها" ضمن قائمة الأكثر تداولاً بموقع التواصل الاجتماعى "تويتر"، صباح اليوم الأحد، ليضم تغريدات طلاب كلية العلوم ومطالباتهم فى تغيير المسمى الوظيفى بعد التخرج، مساواة بخريجى كلية الصيدلة، وتوفير عمل فور بعد التخرج، والسماح لهم بإصدار ترخيص بافتتاح معامل، ومعرفة نوع العمل الذى يلتحق به فور إنهاء دراسته الجامعية.

وجاءت أبرز التغريدات عبر الهاشتاج كالتالى "زى ما دلوقتی بنبص علی أحمد زویل وعصام حجی وفاروق الباز نظرة فخر.. احنا عايزين يطلع مننا ومن جيلنا ده علماء زيهم"، "وبرغم كل اللى شوفته فيكى، بس علوم تتحب"، "التقدير مش بيجى بالساهل والله فى الكلية دى، عشان كده لازم تبقى هى اللى فوق دايما"، "تعالى بص على خريجين علوم لما يخرجوا بره البلد، بص على زويل وعصام حجى ومصطفى مشرف وغيرهم، فرقوا لما راحوا بلد بتهتم بالعلم".

وتابع المغردون "متضامن معاكم رغم انا معرفش حاجة عن قضيتكم إلا أنها قضية حق"، "كلية بتقدم علماء وباحثين للبلد فى كافة مجالات العلم، والبلد بتتركهم على الرف"، "سنه أولى وتانية فى كلية العلوم بندرس جميع أنواع العلوم عشان نختار هنتخصص فى أيه أخر سنتين، عشان ابقى عالم وباحث فى مجالى"، "مبسوط أوى بيكوا بجد، احنا خريجى علوم اسمنا علماء وباحثين فى كل مجالات العلوم اللى بنتمرمط فيها فى الكلية"، "قابلنى لو اشتغلت، بنستفيد ايه من علوم"، "علوم مش كليه درجة تانية علوم هى الأمل الوحيد اللى فاضل لمصر".

علوم هتاخد حقها (1)

علوم هتاخد حقها (2)

علوم هتاخد حقها (3)






مشاركة






الرجوع الى أعلى الصفحة