بعد تصدر هاشتاج "عشان انا مصرى".. مدونو تويتر: عاوزين وزيرة للسعادة

استمرت لليوم الثانى على التوالى عمليات التدوين عبر هاشتاج "عشان أنا مصرى" لتدفع التغريدات الهاشتاج لمواصلة التواجد فى قائمة الأكثر تداولا لليوم الأحد، ويحتل فيها المركز السابع، ليبرز أهم المواقف التى لا يفعلها سوى المصريين.

وتباينت مواقف المغردين فى الهاشتاج ما بين السخرية والمواقف الجادة، حيث قالت ريم "ضحكوا عليا فى الدراسات وقالولى أن الجو فى مصر معتدل صيفا دافئ شتاء"، وقالت إحسان "عشان أنا مصرى.. مبحضرش محاضرات وبجيب امتياز".

بينما قال أيمن "لما تتجوز التانية خد وراها التالتة عشان تبرد نار الأولى وتكسر غرور التانية وتخوف التالتة من الرابعة، المبدأ مبدأ معلش"، وقالت غادة "المفروض استوعب أن الطرق المكسرة دى لمصلحتنا".

وقال سامى: "لازم أطفح الدم عشان أعرف أعيش مستور"، وقالت عبير: "عايش غريب فى بلدى، الجهل والفساد هنا أسلوب حياة"، بينما قال آخر "عشان أنا مصرى أطالب بوزيرة للسعادة".