يعنى إيه خنقة؟
يعنى تبقى حزين مشوش حاسس كدة بكرشة نفس مش قادر تاخد نفسك
فيه حاجة كدة وجعاك فى قلبك
هو فيه وجع بس مش عارف سبب الوجع ده أيه ولا أيه
واللى يخنقك أكتر إنك مش عارف أنت زعلان ليه أصلا
بيبقى نفسك تعيط
بس برضوا مش عارف تعيط ليه وعلى أيه
لا إله إلا الله
دى حاجة تخنق بجد
وفاجأة تشوف حاجة أو تقرأ حاجة مش مهم
المهم أن الحاجة دى بتأثر فى نفسيتك قوى
أه بتبقى فرحان أنك أخيرا عرفت سبب خنقتك
إلا أنك بتتمنى أنك مكنتش تعرف السبب
بتدخل فى حالة ثبات عظيم
ساكت مش بتتكلم
وبعدين بتقول لنفسك
أصلا مش مستاهلة
وتندم على الوقت اللى أنت أخدته فى التفكير
بص هقولك حاجة
مش مهم ترضى غيرك
اسعد نفسك وارضيها الأول
عارف ليه
ليه؟
عشان نفسك الوحيدة اللى هتفتكر كل اللى عملته ليها
