إيمان الباشا يكتب: تبقى ايه هى السعادة ؟

الإثنين، 05 ديسمبر 2016 10:00 ص
إيمان الباشا يكتب: تبقى ايه هى السعادة ؟ أسرة سعيدة على الفطار

مشاركة

اضف تعليقاً واقرأ تعليقات القراء

الإكادة كل مادا

مخى يتلخبط زيادة

والسؤال اللى يحير

تبقى ايه هى السعادة؟

قول يا هذا رايك ايه؟

السعادة هى عندى

لمة فى البيت ع الفطار

شاى حليب و انزل لشغلى

اعمله وارجع لبيتى

للدفا آخر النهار

شىء جميل و انت برضو رايك ايه؟

السعادة هى عندى

زقزقة عصفور صغير

اصحى على صوته الجميل

و النهار يطلع ينور

بعد ليله ما كان طويل

حلو جدا .. انت قوللى رايك ايه.؟

السعادة هى عندي

وردة بتميل ع الغصون

لو نسيم الفجر هدى

عندها تبدأ تفتح

والعبير ميت الف لون

الله عليك.. وانت قوللى رايك ايه؟

السعادة هى عندى

لو جريت تحت المطر

اسبق النسمة اللى حايرة

بين جبين ورق الشجر

ارفع ايديا للسما

يمكن تطول خد القمر

حلو جدا قول كمان

السعادة هى عندى

لما ألاقى الكون سعيد

لما ألاقى الناس بتضحك

قلبها فرحان أكيد

الله عليكم كلكم

السعادة فى الرضا

كلكم جبتوا المفيد

.........

 







مشاركة




لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة