فيسبوك
واتساب
العتمة غطت ع البيوت
وكلام الناس سكوت سكوت
وأما ندور عن دليل
نلقى حروف المستحيل
رابضة على كل الطرق
والليل طويل
ولا يوم شعاع
واحد برق
نلقى الأمانى ع الطريق
من غير رفيق
نتلاقى عند المفترق
الكون يدور
وندور معاه
ولا عمره يوصل منتهاه
دوامة لكن والعجيب
هيه اللى لابسه طوق نجاه
ضهرى انحنى
ولا عاد جلد
كل الأمانى بتنجلد
والليل طويل
والمستحيل
رابض على كل الطرق
لما ندور عن دليل
