الفرق فى المسافات
حبايبنا عايشين فوق
واحنا هنا الأموات
والعمر أن كان دهر
او حتى كان لساعات
مسيره يوم ينتهى
هى الحياة نسمات
مهما الفراق هدنا
والحزن بقى آنات
تكوى الدموع عجزنا
وف وقت م الاوقات
بنحسنا لوحدنا
لا اصحاب ولا اخوات
والوحدة فى قلبنا
والفكر صار ف شتات
نصرخ . . . اعن ضعفنا
فى اصعب الازمات
عزينا يااااا ربنا
عزينا يااااا ربنا
عزينا يااااا ربنا
فى غالى لينا مات
صبرنا وابعت لنا
ايمان نعيش بثبات
حبايبنا تشفع لنا
وهما ف السموات
على امل اللقا
ويقصر المسافات
الموت . . . ليه سكه واحده
لكل المخلوقات
وانا حبايبى يغيبوا
عمرى ما اقول اموات
اما اللى بيموت قلبه
بقول عليه دا مات
· لشهداء البطرسية وكل شهداء الجيش والشرطة
تم أضافة تعليقك سوف يظهر بعد المراجعة