فيسبوك
واتساب
حلوة الحياة سهلة -- ليه تعيشها مقضيها
صدقنى مش مستهلة --- وبإيدك تحليها
ماشى يا صاحبى ليه فى سكة الدمار
ده اللى أنت ماشى فيه--- ياما خرب فى ديار
نسيت نفسك عشان تهرب-- بقيت تشرب بقيت تضرب
لغيت مخك عشان كيفك--- وبروحك بقيت تلعب
نسيت نفسك ----نسيت أهلك نسيت روحك
نسيت حلمك ----ولعبت يا صاحبى بطموحك
نسيت ربك ----نسيت اسمك نسيت دينك
وكل الناس يا صاحبى ---دلوقتى كرهينك
دور يا صاحبى روحت فين ---روحت فى سكة الدمار
ثقل أوى عليك الدين ----وعشت فى ليل مالوش نهار
خليك جدع دور عليك ---ده اللى أنت فيه ده اسمه انتحار
صدقنى يا صاحبى حرام عليك----تعيش أهلك فى انكسار
