ليلى تحكى..
الراجل بقى رومانسى ويسمعلى فى الأغانى. وأعصابه بقت هاديه. ورمى طوبتى خالص.. يكونش بيحب عليه وأمه هتجوزه.. يبق نهاره أسود، وليلته مهببة... والله لأروح انكشه واشوف ايه حكايته
ليلى... من أمتى بقيت رومنسى والدنيا عندك رايقه... وبتسمع كمان لسومه وجنات وورده... حالتك مش طبيعيه والفار بيلعب فى عبي
محمد.... ياعيون عطشانه عطشانه سهر ياقلوب تعبانه تعبانه سفر..كترو م الحب تلاقوا تلاقوا.. تلاقوا فى الظلمه ألفى قمر..بنحب ياناس نكدب لو قولنا مابنحبش.. بنحب ياناس ولا حدش فى الدنيا محبش.. والدنيا ياناس من غير الحب ما تنحبش.. من غير الحب ماتنحبش
ليلى... شوف الراجل وبجاحته بيغنى ولا همه... فى ايه يامحمد قولى الحرارة عندك عليت ولا انت بقيت تخرف
محمد... اعمليلى فنجان قهوة وياريت سكر زيادة.. واكوى كمان قميصى علشان خارج بره
ليلى... طب قوم اقلع هدومك ورايا غسيل ومتقعدش كمان على الكنبة.. ورايا كمان تنفيط.. ومتدخلش كمان جوه علشان هغير الملايات... والبن كمان خلصان والمكوى كمان خربانة... روح بقه يارومانسى ارمى الزبالة بره. وهاتلى الطلبات دى فى الورقة من امبارح جوووه. هاتها وانت راجع ياخويا من بره..
محمد....أنساك..! اااااااءه ده كلام..؟ أنساك..! يا سلام..! أهو ده اللى مش ممكن أبداً. ولا أفكر فيه أبداً.. ده مستحيل قلبى يميل ويحب يوم غيرك أبدأ.. أهوده اللى مش ممكن أبدأ..ولا ليله ولا يوم.. أنا دقت النوم..ايام بعدك.
ليلى... يعنى انت عايز تغيظنى... ولا عايز تحرق فى دمى.. مالك ياراجل مش واقف على بعضك كده ليه... وبتلبس كمان وبتتشيك طب قولى رايح فين... وكمان ريحتك حلوه ينهار اسود ومنيل... شكلك بتحب جديد وسمعت كلام امك.. انطق يامحمد قولى ناويلى ياخويا على ايه
محمد... انا خارج ياموزتى.. والزباله من اختصاصك... وطلباتك دى هاتيها وانتى جاية من عند أمك الفلوس انا سايبها على التسريحة جوه... وكمان هتغدا مع صحابى واسهر كمان بره.. باى باى بقه ياحلوة.. علشان اتأخرت عليهم.
ليلى... الراجل مشى وسابنى اكل فى بعضى جوه... وانا هقعد كده استنى لما أمه تخربلى الدنيا.. ودينى منا سايباه.. وبالتاكسى هجرى وراه...
الراجل رايح فين وداخل القاعة دى ليه.. يلهوى فى عروسة... حلوة وكمان ننوسة قعدة فى الكوشة جوه والدنيا كمان هايصة.. نهارك اسود ومنيل بتتجوز عليه وامك ماسكاها فى ايدها وبترقص كمان معاها... ودينى لمرمطهالك وامسح بيها البلاط وشوووووبش على الخاين ابو تلت بنات... وفجأة لقتنى واقعة ياناس من على السرير وجوزى جنبى بيضحك...يلهوى دا كان كابووووووس...
بسرعه اهووووه ياحبيبى هجهز الفطار وبعدها فنجان قهوه يعدلك الدماغ اكون كويت قميصك وكلو هيبقه تمام... اسمع بقه سومه ونانسى وجنات... بحبك ياحبيبى ومليش فى الدنيا غيرك.. بس اوعه تتجوز عليه وتروح لحد غيرى...خلاص ياخويه حرمت وكان ده جرس إنذار.
تم أضافة تعليقك سوف يظهر بعد المراجعة